رساله هامه

الحرية في المنتدى
وأوجه رسالة لوزير التجاره(حفظة الله وأطال في عمره)
من واجبات الأبووووه أن الأب يستمع لصرخات أبنه وضمه على صدره وإذابة كل آلامه
لأأحد يتدخل بين أب وطفله
@ @ @
@ @ @
أبشرك طال عمرك الأسعار مضبوطة والمواد الغذائية متوفرة
ما نقصنا بس إلا الخبز يرفعون سعره
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات ارتفعت 30 بالميه
الأدوية 25 بالمية
تخيل جبن كرافت والمراعي السايل ارتفع
طيب وش نسوي لبزارينا المشكلةيقدرون الكرافت السايل مع الصامولي
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز ابو كاس ارتفع
لا وأزيدك من الشعر بيت رزمة الكراث والبصل صارت بريالين
شفت شلون حنا بنعمه

@ @ @
بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
ونعطي لبنان مليار ونص دولار
ونرسل لمصر المعونه السنويه
تعرف ماشاء الله حنا.. من كثر الفلل التمليك.. الناس صارو يأجرون ببلاش
ممكن طلب طال عمرك.. ابي سلف 12 ريال
عندي دين اسدد فيه لي سنه ولا خلص.. كل شهر 500 ريال
الله يرحم حالنا والله..
@ @ @
ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 99 دولار
ورصيدي أيضا حطم الرقم القياسي في نفس اليوم وصار فيه 17 ريال
الحمد لله شفت كيف أنا بخير

@ @ @
أحب اطمنك صرنا نسوي رجيم غصب عنا
تعرف اللحم ما عاد نعرفه
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو
صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا
@ @ @
أبشرك طال عمرك شعبك تطور
استبدل البكاء بطعم الملح ببكاء بطعم الدم
آآآآآآآآآآآآآآه يا حلو مذاقه
ودك تجربه؟؟
انا أقولك وشلون
نظف منزلك من حليب الأطفال
نظف جيبك من الفلوس
نم ومخباك فاضي
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى
انس انك ملك وأرجع للبيت
بتدخل على أنغام بكاء طفلك
عندها ستحتقر نفسك وانت عاجز عن اشباع طفلك
عندها ستلعن اليوم اللي انولدت فيه
عندها ستلعن اليوم اللي انولد طفلك وصرت مسؤول عنه
عندها ستضمه وستبكي من القهر
ستنزل دموعك وتحس بطعم الدم في حلقك
@ @ @
تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم
@ @ @
بس ودي أقولك شي قبل ما أروح أصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا
معناها إحساس المرأة بالانكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة ما راح تفهمها..
///////// /////////////////
///////// /////////////////

*الوضع ..في تدهور .. والدولة ،تصارع من اجل البقاء*

*ولاعزاء.

استلم طال عمرك
زيادتك الاخيره للرواتب
ما تكفي نشتري فيها
دفتر مربعات
ولا حتى تلاوين مائيه
يمكن تكفي نشتري فيها شعر بنات
او
بسكوت ريكو

شكرا لك طال الله في عمرك
يا
ملك الانسانيه

طال عمره مايسمعكم ولادرى عنكم

شكر أخي حماد أبو شامه وأخي المبدع والأخت ماسه.
لكن لي مداخله على رد الأخت ماسه. ترى كلامك غير صحيح.
طال عمره يدري بالي صاير وعارف فيه.
ولا اُريد التوسع في هذا الحديث.

اسمعو انتم طال عمركم احنا بخير الى الان الله يستر من الي جاي
تفألوا بالخير تجدوه