المقشــــــــــــــــــــــــــــــــوش الحـــــــــــائلي

مساء الخيرات والمسرات والليرات

<<<<سررر

ماراح افتح الغطاء الحين بس احس هاليومين بدأ الجو يبرد <<<وهـــ بس يازين الشتاء

عاد اشتقنا لطبخات الشتاء مرقوق عصيد مقشوش رغفان

عاد اقولكم وش طبخنا اليوم:

المقشوش هو: اكله شعبيه مشهوره في السعوديه وخصوصا منطقة حائل وهي لذيذه ومفيده<<

واحد بالسكر والثاني بدون سكر <<
للشيبان والعجز اللي فيهم سكري <<

المقادير:

2كوب دقيق اسمر(بر)<<ماهو كيماوي عند القشله
1/2كوب دقيق ابيض
ملعقه خميره
ملعقة بكم بودر
ملعقتين حليب بودر
نص ملعقه ملح
ماء للعجن

نخلط جميع المقادير في خلاط المعجنات واذا عندك خلاط كينوود يكون احسن واستخدمي المضرب اللي على شكل حرف K..ثم تترك العجينة لتخمر..
تقومين وتجيبين صياني تيفال وتضعينها على عين الفرن من فوق وبعدين تجيبين العجينه راح تلاحظين وجود زي الفقاعات هذا دليل على ان العجينه خمرت جيدا قد تحسين انها غلظت بعض الشي لذا لا مانع من انك تزودينها قليل من الماء بعدين تحركينها بيدك انتي لابسه قفاز هنا تكون مجهزه صحن فيه القليل من الماء بجانب العجينه00
ناتي لمرحلة التنقيط تقومين وتاخذين قليل من العجينه باليد طبعا وتحاولين تكورينها ومباشره تضعينها عللى الصينيه وتغمسين اطراف اصابعك بالماء ثم تعملين الثانيه وهكذا هي تحتاج خفة يد وسرعه واذا ماقدرتي بيدك ممكن تستعينين بالملعقه واذا خلصت كور العجينه من تحت تدخلينها الفرن وتحمرينها من فوق ثم اذا خلصت تضعينها في حافظه للحراره واذا خلصتي كل الكميه من العجينه تضعين عليها نصف زبــده وترشينها بالشيره

وبالعافيه,,

اول مره سمع فيها
واضح انها اكله لذيذه

يعطيك العافيه

اول مره سمع فيها

واضح انها اكله لذيذه

يعطيك العافيه

اشكر مرووورك سفير حريمل

سلمت الايادي
يعطيك الف عافيه
..

ماشاء الله تبارك الله
يعطيكي العافيه خيتو خياله استفسار صغنطوط
عندك صوره للمظرب تكفين نزليه تعبت وانا ادوره

سلمت الايادي

يعطيك الف عافيه

..

انوثه هلا وغلا والله يعافيك