قصيده موجهه للاخ محمد العصباني

الملف الشخصي · 07-07-2008, 10:24 PM

الرجال تعرف في مواقفها واحببت أن اوجه قصيده متواضعه في انسان يستحق المدح

والثناء الاخ محمد العصباني

سلام يانسل الشيوخ المسمين = ال كحتان اللي لهم صيت ذايع
المدح في مثلك يعبي دواوين = والشعر في مثلك يجي شي رايع
يابو بدر مني ورود ورياحين = معطره با حلى نسيم البدايع
من هاجسن يقطف ورود البساتين = والقاف طوعته وجا فيك طايع
يزين طرقه لامدحت الشجيعين =ياخذ من ابيوت الجزاله روايع
لا تلومني لني مدحت الكحاتين = خو الي اللي فيهم المدح شايع
من روس قومن بالشجاعه عصابين = يوم المراجل بين شاري وبايع
ربعي بلي تلطم خشوم المعادين =راياتهم تركز بروس الرفايع
مايقبلون الذل لدار والدين = قصيرهم مايشكي الوقت جايع
يالله ياقابل صلاة المصلين =اغفر لنا لا خذت منا الودايع