مشكلة الشباب

احنا يا الشباب عندنا مشكله كبيره وكبيره جدا بعد وهي عدم وجود اماكن او منتزهات خاصه فينا يعني انا اتكلم عن شباب مدينة الرياض لاني ما ادري عن المدن الثانيه يعني كل ما تروح مكان يقولوك عوائل والله طفشونا لكن عاد شنسوي يمكن هذي المشكله هي اللي خلت الشباب يلجؤن إلى التفحيط وغيره من العادات الشينه انا طرحت الموضوع هذا في منتدى الاسلام لاني ابي اسمع الرد الديني على المشكله هذي لان والحمد لله المسؤلين عندنا هم رجال دين لكنهم اغفلونا واحنا عماد المجتمع صراحه ودي اني اسمع ردود على الموضوع هذا .
اذكركم اني ما اعترض على فصل العوائل عن الشباب لان هذا شي طيب لكن انا اعترض على عدم وجود اماكن مخصصه للشباب

اهلا بك فهودي
اما عن موضوعك فبصراحه ممتاز
ـــــــــــــــــــــــــــ
بالله عليك الشباب العزوبيه ماهم من عرض البشر
ماهم اوادم ما يحسون الواحد يبغى يطلع يشم شويت هواء
مع اصدقائه وناسه
الله يكون بعون كل عزابي
مــــــــــــــــــــــــــــــــــــــــسكين
كل ما رحت لمكان قال لك الحارس جمله يا شينها على العزابيه
(خاص بالعوائل) يدور المسكين ويرجع، ثمين (1) يتصدد ما يلقى غير الحواري يلفلف بها ويفحط لا حووووووووووووووووووووووول
بس تعرف الحل الوحيد هو انك تكرج السياره قدام الباب وتطلع مع اهلك (البابا والماما) اذا طلعو للمنتزهات والله يعينك تتحمل اخوانك الصغار اللي يفعش راصك واللي يدفق(2) عليك العصير اوهووووووووووووه يالبلشه
ونهايته لم نجد حل مجدي يا رعاكم الله من كل سيه
ــــــــــــــــــــــــــــــــ
(1) ثمين : بشد الميم ومعناها بعدين
(2)يدفق: ينثر: يسكب(يقال سكب الماء أي دفقه) المرجع قاموس بلي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

السلام عليكم و رحمة الله و بركاته

موضوعك حلو يا فهودي ... فعلا الشباب الله يعينهم ..
طبعا فيما يخص المنتزهات الحل بيد اهل الحل .

اما بخصوص الرأي الشرعي :
يفترض ان الشاب يقضي جل وقته فيما ينفعه ...
يا ليتك تتطلع على سيرة شباب السلف لتعرف كيف كانوا يقضون وقتهم

و في نفس الوقت لا نهمل الترويح عن النفس
هناك مراكز صيفيه
هناك دورات متعدده و في شتى المجالات
هناك حلق لتحفيظ القران و دروس علميه و ندوات ...

و لكن اغلب الشباب لا يرغب هذه المجالات ..
تطلب منه ان يذهب معك لمركز صيفي ... يحقد عليك اسبوع ما يكلمك و يصفك بالرجعي و الشباب اخذين فكره غلط عن المراكز الصيفيه و عن الملتزمين ( المطاوعه )

هذا من وجهة نظري الراي الشرعي ...

...........
و نترك الرأي للبقيه و بعد ذلك نعود للنقاش
و اختلاف الرأي لا يفسد للود قضيه


............
ملاحظة للاخ فهودي لقد قمت بنقل موضوعك هنا حتى نعطي مجال اوسع للمناقشة ..
لان زوار المنتدى الاسلامي ...... للاسف قليل
...........

اهلااااا فيك فهودددددي نورت المنتدى.

شكرا على الموضوع الحلو بس احب ابدي رايي.

ان كثير من الشباب يفضل الجلوس في الاستراحات يعني يتجمعون شباب ويجلسون فيها بستمرار . ولا ننسى الجلسات في البر وغيرها كثير .

بعدين ايش الي يمنع وتطلع مع اهلك .

واخيرا اقول ان هذا لايبرر ان الشباب ماخذين حقهم في المنتزهات بالعكس .

اذكر قصه , كنت في جده مع شباب وجالسين على الكورنيش وكان وقتها مزحوم مرررره
المهم جت الدوريه وقالت لنا هذا مكان عوائل قلت حنا جالسين على بحر طيب وين مكان الشباب قال الشباب مكانهم في الظلام برا اشرايكم...... بس انا قوي ما قمت.


اسف على الاطاله ولكم تحياتي بااااااااي

مشكووووووووووووووووووووووووووووووورين يا شباااااااااااااااااب على الردووووود الحلوه ذي وماقصرتوا بس انا حبيت اقول لابو نادر ان حلقات القران صحيح ما احد يكرها ولا دور العلم زي ما تفضلت لكن هذي يمكن ما تكوووون ترفيهيه اكثر من انها علميه صح ولا لا .مشكوور ابو ايمن على الرد بس صراحه ملينا من الاستراحاااااات وسهراتها واصلا ما عندنا الا البر وطلعاته نبي منتزهات الواحد يغير جو اذا انت ساكن في الرياض تعرف معانتنا