مرثية في فقيد الوطن والأمة صاحب السمو الملكي الأمير/ نايف بن عبد العزيز آل سعود

مرثية في فقيد الوطن والأمة
صاحب السمو الملكي الأمير/ نايف بن عبد العزيز آل سعود – طيب الله ثراه



الحزن عم وداخل القلب بركان
ودموع عيني فوق خدي ذرايف

ما عاد في دنيا العنى غير الاحزان
واحزانها بالقلب ما هي خفايف

ما جفت ادموعي على فقد سلطان
واليوم تفجعني بفقدان نايف

اللي لهم في داخل القلب مسكان
قلبي وحكام الجزيرة ولايف

أبكي ويبكي من عرف طيب الاخوان
درع السعوديه كبار الوظايف

يا الله يا للي خالق الانس والجان
تغفر لهم في يوم عرض الصحايف

واسكنهم الجنه بروح ٍ وريحان
يدعي لهم بالبيت ساعي وطايف

حكامنا آل سعود أهل عرف وايمان
يبقى الوطن في عزهم بالنوايف

بقيادة اللي حكمته عطف واحسان
يحكم بشرع الله بعدل ونصايف

مليكنا اللي للوطن درع وامان
بو متعب اللي ما لطيبه وصايف

عساه في حفظ الولي عالي الشان
ويحفظ لنا آل سعود من كل حايف

وختامها حنا كما صف بنيان
في رايت التوحيد محنا طوايف




الشاعر
سعيد مشحن البلوي

صح لسااانك

صح السانك
رحم الله الامير نايف

صح لسانك مدد بلا عدددد

قصيده معبره لايكتبها الا شاعر متمكن

احييك على هذه الشاعريه

تحياتي وتقديري

صح السانك
رحمه الله واسكنه فسيح جناته

صحة ابدانكم وبيض الله وجيهكم

وقدرنا الله على كتابة مينال اعجابك
لكم فايق تقديري واحترامي