ياوجد ماعندك علاج(ن) للأشواق

ياوجد ماعندك علاج(ن) للأشواق

لاصار شوقي مايراعي ظروفي

ياوجد يسهر خافق(ن) حيل تواق

والدمع يجري وماتسده كفوفي

ياوجد والذكرى على رجل(ن) وساق

فزت ولا راعت من الناس خوفي

ياوجد كني يم قبري له انساق

كل ماطرالي حاربتني سيوفي

وش حيلتي ياوجد والقلب مشتاق

والهم وأحزاني بليلي ضيوفي

ياوجد ليت الصبر ينباع باسواق

لاشريه لو انه يباع بألوفي

مير البخت ماياتي ياوجد بوفاق

دايم يشب النار في وسط جوفي

ياوجد يطريلي ويطريلي فراق

واصرخ بذكرى البعد بالله روفي

عزي لحالي من بعد حضنة عناق

تم الفراق وراح وياه شوفي

انا احسب ان البعد هين وينطاق

واثره صعيبن ماتجيبه حروفي

ياوجد من قسوة فراقه والاشواق

ماعاد تفرق لو خذتني حتوفي

الشاعره / آهات ليل


منقوووووول

شكرا لك خيالة بلي

الله يعطيك العافيه على النقل .,. وصح لسان الشاعره.