يلعن .... ويلعن ....يا .......!!!!!

السلام عليكم ورحمه الله وبركاته



المعذره على اسم الموضوع







ما تلاحظون إن كلمـة [ يلعـن أمـك ]
إنتشرت إنتشار غريـب و مريب ..

وصار اللي يقولها عــااادي جـدآ ..
كأنه قايـل [ السـلام عليكم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!




بعض الشبـاب اللحين بالعكس
صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !




مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ]
مـدّ هالخشه شبرين كأنه قايل له شعر يمدحه ..!



و إلاّ بعض الشبـاب .. واحد يسأل الثـاني :
وش رايك باللاعب الفلاني ..؟

يقول : يلعـن أمممممممممه يلعـب من جد ..!

طيب أبي أفهـم .. وش دخل أمــه بالموضوع ..؟!


للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..


د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

ولاَ كأنهم قالوا شي ...!!


وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب
اللي تحصلـه من هالكلمـة ..!

بس لا تنسى و إنت تقول هالكلمـة
أنك تسوي شيء من الكبــائـر ..

أنت تخيلت معي ..؟!

كبـائـر الذنـوب ..!!

صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه }
راوه مسلم .



وش رآيكـم ..؟

وش الحل لهذي المشكلـة الخطيرة ..؟

يعني لهـا الدرجـة مافيـه إحترام ولا تقـدير للأم ..؟!




شـاركوني ..

أنا بإنتظاركم

الموضوع منقول كما هو من يحب ان يشاركنا فليتفضل مشكوراً

الله يحفظ امهاتنا ويجعلهن مايسمعن منا الا

كل كلمه طيبه

آآآآآآآآآآمين

اختكم في الله ///شروووووق الأمــــل

يعطيك العافيه

يعطيك العافيه

الله يعافي قلبك

جاء عن الرسول صلوات ربي عليه أنه قال:

(( في اخر الزمان يأتي أقوام سلامهم اللعان))

جاء عن الرسول صلوات ربي عليه أنه قال:

(( في اخر الزمان يأتي أقوام سلامهم اللعان))

نسأل الله السلامه

شرفني مرورك اخي الفاضل

والله اني جيت طااامر من مشب قسم بغيت اقشع عيل على طريقي دائر بين مشب ومدخل

وش صاير عندكم احسب موضوع هوشه وسوء تفاهم


لا حول ولا قوه الا بالله الله يهديكم اللحين كل ها صياح واخرتها كذا



رجاااااء فضلا لا امراا تغير اسم موضوع عشان ارد







لي باااك قريب لرد بس قبل شوفوا سرفه لاسم ها موضوع


<<< يحضر نفسه لرد