ما أدراك مالطارق

ما أدراك مالطارق

ياقو صبري صبرت وطالت المدّه=إلى متى سالفة صبري وقوتها
الحظ يعطي قفى والياس له لدّه=منها تشيل الحنايا فوق طاقتها
لا الطير حايم ولا هوه ناوي الهدّه=ولاهي غريبه على الدنيا ولعبتها
ياقلب لاتستحي بعض الحكي بدّه=للروح ثارات فيما لاع مهجتها
عزًّاه يا ذالعزيز اللي نضب عِدّه=يضمي ولا يرجي الغيمه وقطرها
مادار للدار عندي صدّه بردّه=خطوه تجيها وخطوه ماتعدتها
الباب دارت عليه أقفال مسودّه=ولي من ورا الباب نبته حي منبتها
يقهر بسدّه ويقهر حاجباً سدّه=وش ضرّهم لو يمين الشوق حاشتها
يالباب أنا اللي تمنى من ثمر جَدّه=في روضةٍ تجري العِفّه بتربتها
ماأدراك مالطارق وماأدراك عن ودّه=والزهره اللي ملت عينه مودتها
لو عاقني صمت فيني قلب لابدّه=ينطق ويدرا بساتينك وزهرتها
العين بالعين والهجمات مرتدّه= والراس بالراس والعبره نهايتها
الأوله جت قوافيها على الشدّه=والثانيه تجبر الأولى بشدتها
إن كان قصدك تذل الشوق وتحدّه=القلب مايرخص الزهره وطلتها
حرام لو ما لقاها ماغسل يدّه=يرحل وهو حالفٍ يحفظ محبتها
وكانك تبي ترسم الدمعه على خدّه=تعمي عيونه ولاتفرح بدمعتها

الشاعر:عبدالله بن محمود البلوي

صح لسانك عبدالله البلوي
مشكوور ابوحمدان على طرح هالقصيده

باسر حمدان

صح لسان الشاعر عبدالله محمود البلوي
وصح لسانك سلمت يدك

دمت بخير

ياسر حمدان البلوي

صح لسانك ولسان الشاعر عبدالله بن محمود البلوي

يعطيك العافية على نقل قصائد الشاعر عبدالله

تحياتي
ناصر ابن طليحه

ياسر حمدان صح لسانك
والف شكر على القصيده الجزله وصح لسان شاعرها

[

center] استاذي
ياسر حمدان
قصيده تستحق التصفيق
قصيده روعه فكراً ومعنا ..........حبكاً وسبك
ياسر لك من الشكر اجزله على نقل هذه القصيده لهذا الشاعر المخضرم

[/center]