"وقــالت لابو تركي ترى العز قدام"

"بسم الله الرحمن الرحيم"

يالله في نًونْ تلاعج بروقه

يخيله اللي تالي الليل مانام

جت له من الغربي هبوبٍ تسوقه

على ديارٍ يومنا دونها عام

يسقي هشيماٍ ميتاتٍ عروقه

في قدرة اللي عالمٍ مابالارحام

دارا لنا لو غير ماها نذوقه

يسوى قناطير الذهب عند الازلام

عشنا بها يوم الكبود محروقه

والضيف يلقى عندنا طيب واكرام

يأمر بها الباشه وخصمه يعوقه

ويفزع بها مسند الى جاه منضام

ومن غيرهم كم شيخ مجحد حقوقه

ربعي بلي تشهد لهم سود الايام

ذود المعادي من مراحه نسوقه

ناخذ ونوخذ مانتهاون بالاخصام

ومن يوم صبح العز بانت شروقه

وقالت لابو تركي ترى العز قدام

جاها على صهوة جوادٍ سبوقه

وركز علمها من يمنها الى الشام

ولو كان يبغى غيرها من يفوقه

لكن هداية رب وعقول فهام

خلا الجنوبي بين برقى وروقه

والا شمالياٍ مرافق ضنى يام

واليوم في عز تزايد وفوقه

فزنا بالأول يوم تحطيم الارقام

بقيادة اللي وافيات اسبوقه
خادم بيوت الله ونصرِ للإسلام
ونايف ونايف والثمر من عذوقه
للخير مفتاحِ وللشر لطام
وسلمان ساس المرجله من عموقه

سهرة عيونه لين جفن الاقلام

عهدٍ علينا عهدهم مانبوقه

حكام ورثو عز من روؤس حكام

الشاعر: عيد مكازي البويني

حياك الله ابو توفيق ..!

وصح لسان الشاعر عيد بن مكازي البويني ..!

صــــح لــســان الــشـــاعـــر عــلــى هالأبيات الرائعة........

صح لســــان الشــاعر..ويعطيك العافيه على النقل الرائع

يعطيك العافيه على النقل

وصح لسان
الشاعر: عيد مكازي البويني

صح ابدانكم

وحياكم الله