قصيده في الشيخ سليمان سلطان ابن مظهر

هذه القصيده مهداة الى الشيخ/سليمان بن سلطان ابن مظهر شيخ عشيرة سحمة السالم من بلي

من الشاعر :سالم بن عواد العطوي

ويذكر فيها الشاعر بعض خصال الشيخ سليمان ابن مظهرعلما انه من الرجال الذين لهم

بأع طويل في خصال الكرم والجود واكرام الضيف وكذلك حسن الجوار وطيب المعشر وفقه الله

قم يانديبي وانتهض فوق فاكسار=جديد لاندكروزر وارد وكاله
سته على الفين طبلونه اصفار=زماله ياما طيبها من ازماله
من طيبك ودي اكلفك مشوار=وحاريك بعلوم الوفا والرجاله
من عند دوار القلم تاخذ يسار=جنوب شرق الحي ماهو شماله
ملفاك ابن مظهر له الطايله كار=مقود رجال الطيب ياحي فاله
شيخ بشوش لكل من جاه زوار=شيخ امعرب من عمام وخواله
شيخ الى من قلت بيطار بيطار=شيخ غرس كل الوفا في عياله
شيخ امعرب له معزه ومقدار=شيخ اتورد للضوامي احباله
بيت الشعر بانيه به موقد النار=في مجلس بالهيل فاحت ادلاله
مجلس شرف مادنسه كل ثرثار=مجمع رجال امعربين الشكاله
ويوم العشا كلف على الناس مخطار=ياما رمى للضيف خيرة اجزاله
حيد ذراه يغطي الضيف والجار=شيخ كسب علم المراجل وناله
وصلاة ربي عد هملول الامطار=لمحمد المختار راع الرساله

اخوكم علي بن عايش الرقيقيص

ابو عايش
يعطيك العافيه..وصح لسان الشاعر سالم عواد العطوي..ويستاهل ابن مظهر

الشيخ سليمان السلطان رجل مشهود له بالكرم والعلوم الغانمة والله انه يشرف ويرفع الراس ... شكرا لك يابو عايش على نقل هذة القصيدة الجميلة .

ونعم والله ابو سلطان اشهد انه حر من نسل أحرار
ويعطيك العافية يابو عايش

يعطيك العافيه يا الرقيقيص وصح لسان شاعرها

ويستاهل الشيخ سليمان

الرقيقيـــص ..

قصيدهـ جزله ذات معاني جادت بها قريحة الشاعر ..

ويستاهل الشيخ .. سليمان بن مظهر هذهت الابيات

أطيب الـمُــنــى ،،

سلمان العرادي