رائعة للمبدع خلف الغريب 000 النعم كاااايد ... ولا ينطال بسهولة ...

النعـم كايـد ... ولا ينطـال بسهولـه = كـم واحـدٍ حـاول يطولـه ولا طالـه
دربه عسيرٍ , وفيه احـراش مجهولـه = وان جزت واديه : لازم تطلـع جبالـه
والنعم حكـمٍ علـى الرجـال وفعولـه = ولا كل من قيل له : والنعم , يزها لـه
اللي يبي النعـم لازم يسـرج خيولـه = ويصبر على شدته , ويقاسـي اهوالـه
يمشي على الشوك ما هابنـه رجولـه = ويسهر بعينٍ مـا هـي للجـار ختالـة
بيرٍ عميـق وتلقـى الظاميـة حولـه = ولا يشـرب الا هميـمٍ يدلـي حبـالـه
امـا كريـمٍ لضيفانـه ليـا جـوا لـه = يضحك حجاجه , كفوفه وبـل هطالـه
والا شجيـعٍ يـدوس المـوت بنعولـه = يبيع عمـره رخيـص يـوم نـادا لـه
واليـوم هـم البنـادم ينقـل حمولـه = مستورةٍ , والجميع يعيش فـي حالـه
نعمه وامان ورخا فـي ظـل هالدولـه = الله سترنـا , وزاد الستـر بافضـالـه
برعاية اللي كفوف الشعب تدعـو لـه = كم دعوةٍ في ظـلام الليـل تسعـى لـه
وكم عقـدةٍ صبحـت بيديـه محلولـه = وسحاب خيره علـى الاوطـان همالـه
اللي يمينه علـى المعـروف مجبولـه = يعيش ( ابو متعب ) الله يقبـل اعمالـه
بحر الكرم واختلـط مرجانـه و لولـه = موجه عطا , وين حاتم ضاع في جاله ؟
وادٍ من الغيث ما حـد ينطـح سيولـه =عز الشريعة , و نصر الديـن ورجالـه

طبعاً القصيدة السابقة هي للشاعر الأخ خلف الغريب العنزي

*شكراً لك يالفتى العصباني على هذا النقل المميز والذوق الرفيع*

*وصح لسان شاعرنا القدير والنبيل والجميل/خلف الغريب *

*ودمتم بخير وعافية وراحة بال*
***

الفتى العصباني دائما فعال
شكرا على هذا النقل وصح لسان شاعرها

اشكر الجميع على المرور

قصيدة جميلة

شكرا على الاختيار والنقل الموفق