أحمد البلوي
قصيدة رائعة وجميلة
والى الامام
السلام عليكم
قصيده كتبت قبل سنوات
أتمنى ان تحوز على أعجابكم
.
.
هجوس الشعر أذا جتني أروض لجلها القيفان = أسرج فوقها علمي وأنا مدرك معانيها
بجزيل الهرج أنا أعسفها وعودها على الميدان = أصيلة لو يطول الماد تبي تسبق بياديها
أعرف الشعر ذا حقة وأنا ما نقص الميزان = وصية عود وصاني وأنا حافظ مباديها
أعز الصاحب الغالي واداري صاحبٍ خوان = حسيبة ربة الخالق أنا وشلون أبهديها
رداه يردة العملة .. بذل .. ونقصٍ .. وحقران = علية الميل .. والزلة تجية وينكوي فيها
ترى العربان ماتكذب وأسمع هرجة العربان = تموت الحية الرقطى تموت وسمها فيها
ولا تشرة ولا تزعل ووسع خاطر الزعلان = ذيابة مابة أذيابة .. ترى كثرت حصانيها
تصبر حيل يا قلبي وربك واحدٍ ديان = يسهل لك دروب الخير .. يهون لك مماشيها
وأنت مضغة أذا صلحت يبي يصلح جميع الشأن = ويا قلبي عليك اللوم بأولها .. وتاليها
ولا يغرك هوى نفسي غرورة تتبع الشيطان = حد النفس جاهدها ترى مثلك يقديها
ولا تظهر ابد همك ترى تستانس العدوان = وقول النفس مبسوطة ولو كثرت بلاويها
ولزوم تميز العالم تعرف الزين والتعبان = لجل تركي على صاحب لاكبرت جاك ينهيها
نداوي لانهض ريشة يسرك منظر الجنحان = وخل البوم في عشة لظلماء يستتر فيها
ولا تحزن .. ولاتجزع .. ولا تندم على ماكان = ( نصيبك لازم يصيبك ) حقيقة أرتاح واعيها
ياطير الحزن لا ترفرف وأنا شجرة بدون أغصان = تجي أخمص .. تروح أخمص .. ولا لك عيشةٍ فيها
أنا ببقى وسيع البال شمالي والفكر طربان = أدن النجر والدلة أنا عيني تراعيها
.
لكم محبتي
أحمد
.
من فينا ينسى موعدٍ مع حبيبه ؟؟
وأجمل لقاءْ ميعاد عبدٍ وربّه
لا تغرّك أحلام الحياة القريبه
لا حان ميعاد لْصلاتك تنبّه ..
.
@albalawi15
.
أحمد البلوي
قصيدة رائعة وجميلة
والى الامام
مدح الفتى نفسه يجيب المناقيد = يسكت وتالي كل شئ يبيني
ماكل من يرمي الهدف قال باصيد = أولا كل رجال باللوازم يبيني
صح لسانك اخوي احمد
قصيده تستحق الوقوف امامها كثيرا
لك الموده
عبدالله
السلام عليكم ورحمة الله وبركاته
صح لسانك يا احمد عايد البلوي
قصيده رائعه ابدعت فيها والف شكر لك
الشاعر المتألق احمد البلوي
لحرفك طعم الدهشة
وعنفوان البراءة
وسحر الغموض
حين يترجم الحرف
هذا الضجيج المتزاحم داخل الأعماق
فانه يمتصه ويذيبه ويحوله الى قطرات بين أنامل الحرف
يعطيك الف عافيه وصح لسانك
الذين يشاهدون الموضوع الآن: 1 (0 من الأعضاء و 1 زائر)
المفضلات