قصيدة فرحة وطن

هذه القصيدة بمناسبة عودة ولي العهد الى أرض الوطن سالماً معافا التي تم انزالها عبر وسائط جوال المناطق ممثلاً بالأخوان القائمين على جوال منطقة تبوك فلهم مني كل الشكر والتقدير .
ولكم هذه القصيدة كامله مع الاعتذار للجميع بتأخير انزالها بسبب العارض الصحي الذي مررت به.

أسعد خبر لنا هو قدوم سلطان = فرحة تعم اليوم كل الجزيره
يامرحبا ياسيدي عالي الشان = أعداد همال المزون الغزيره
فرحة قدومك ماتصور بالأذهان = سلطان خير وشامل الشعب خيره
ولي عهد المملكة ياكحيلان = يمنى أبو متعب بالظروف الخطيره
الجيش يفخر فيك في كل ميدان = الجيش السعودي وأبوخالد وزيره
الشعب ماينساك ياأمير ياأنسان = ياللي مع أخوانك تقود المسيره
أسود نجد تثور ثورات بركان = ضد الطغاه وكل نفساً شريره
ويحفطك ربي خالق الأنس والجان = الواحد اللي مالنا إله غيره
في غيبتك خيم على الشعب الاخزان = وفي عودتك عم الفرح كل ديره
ندعو لكم بين الإقامة والأذان = والله هو اللي عالما بالسريره
كلاً مريض يوم سلطان مرضان = عوفيت ياغيث الشعوب الفقيره
دايم تحب الخير وتحب الأحسان = سجل لك التاريخ بالجود سيره
والحمدلله يوم صحتك بامان = ياللي على شعبك عيونك سهيره
من يمسح الدمعة من عيون يتمان = الله من السيئات دايم يجيره
ورفهتهم يافاعل الخير باسكان = سلمت يمينك ياقوي البصيره
عزالله أنك مايجي فيك نقصان = ياللي ملكت الطيب ماتستعيره
ميزانكم يرجح على كل ميزان = ياابن الملك ياأخو الملوك الشهيره
حييت بالأبطال في جبل دخان = وزرت المصاب اللي ملازم سريره
بزيارتك كلاً تبسم وفرحان = ينوض لو يده ورجله كسيره
يستاهلون اللي في الحرب شجعان= يمشون لو الدم الأحمر نثيره
في مدحكم تمشي القوافي بلا عنان= هذي صدور وذيك تاتي مغيره
لو تجمع الشعارتسعين ديوان = ماوفينا بمدحك لك صفات كثيرة
والله يوفق صادق الود سلمان = حب أبو خالد ناسخاً في ضميره
بقا معه وملازمه وبن ماكان = عاداته يشيل الحمول الثقيله
أروع مثل موجود في بر الأخوان = في العصور الأوله والأخيره
وتصدري يا بلادنا كل الأوطان = بحكم آل سعود أهل الوجيه السفيره
القايد حراً يرفع الحر جنحان = صقر العروبه مايمثل بغيره

الشاعر فهيد صالح الحمري

صح لسانك على مشاعرك الدافئه

وحمدا لله على عودة سيدنا سالما معافا

الشاعر فهدالحمري
صح لسانك
قصيده رائعه بروعتك ادامك الله
عوده الاميرسلطان افرحت الجميع وانت من عبرباجمل القصائد
دمت بهذه الروعه وطابة مسراتك