القصيدة التي أستجاب الله لها.

أيها الاخوة السلام عليكم : أنا سبق وأن أطلعت على هذه القصيدة بمنتدانا ولكن لاأعلم مكانها بالضبط ولكن حبيت أن أعيد نشرها ونقلها لما فيه من العبرة والتذكير بحق الوالدين خصوصا في هذا الوقت الذي كثرة فيه المشاغل.

اخسو خسيتو يا كبار اللغابيب**اهبو اهبيتو يقطع الله نماكم .

--------------------------------------------------------------------------------

هذي القصيده لشاعر كبير بالسن وجد عقوق من اولااااااااده الثلاثه

لما زوجهم كلن راح مع زوجته وتركوه وحيد عاجز واسمه حسب الورقه اللي عندي وليسة يعني موثقه اسمه
جحيش السرحاني.



يقووول.


قال الـــــــــــــــذي يقرا بليا مكاتيب***ياللي تقرون العمى من عناكم

ياعيالي اللي تشرفون الــــــمراقيب***تريضوا لي واقصروا من خطاكم

خوذوا كلام الصـــــــدق مابه تكاذيب***مثل السند مضموم للي وراكم

ياعيال لا صــــــــــــرتوا ضيوف ومعازيب***ترى الكلام الزين ملحة قراكم

وتروا السبابه مـــــــــــن كبار العذاريب***وهرج البلايس مايطول لحاكم

المذهب الطيــــــب فهو مذهب الطيب ***والمذهب الخايب يبور نساكم

ياعــــــــــــــــــيال ماسرحتكم باللواهيب***ياعيال ماعمر المعزب ولاكم

ياما توليت القبايل تــــــــــــــــــقل ذيب ***من خوف لاينقص عليكم عشاكم

وياما شريت الســـــمن من عرض ماجيب***يفز قلبي يوم يبكي حداكم

وياما قطعت مــــــــــن الفيافي العباعيب***ندور من صيد البراري غداكم

ياعيال دوكم لحيـــــــــــــــتي كلها شيب***هذا زمان قعودنا في ذراكم

قمت اتوكا فوق عــــــــــــــــــوج المصاليب***عطوني القرضه جزى من جزاكم

لابد يوم عـــــــــــــــــــــاوي دوني والذيب***بالقبر ما افرق طيبكم مع رداكم

ماني بفا ضـــــــــــحكم بوسط الاجانيب ***باعمالكم يدرون كل اقرباكم

لوكان تدرون الــــــــــــــردى والمغاليب***صرتوا مع المخلوق مثل خوياكم

خوالكم بالطيـــــــــــب تروي المغاليب***ولو تتبعون الجد محد(ن) شناكم
ـــــ
وش علمـــــــــكم ياتاركين المواجيب***حسبي عليكم هالردى وين جاكم

يالله عسى اعــــماركم شمسها تغيب***ويعتم قمركم ثم تظلم سماكم

ياعلكم في حامــــــــــــــــيات اللواهيب***ياللي على الوالد خبيثٍ لغاكم

شفت الجفا والحـــــــــــيف والغلب والريب***بضلوعكم لا بيض الله قراكم

اطلب عسى نساكم ماتحمل ولا تجيب***ولا احد من الوغدان يمشي وراكم


اخسوا خســــــــــــــــــيتوا ياكبار اللغابيب***اهبوا هبيتوا يقطع الله نماكم

وسلااامتكم.
اللهم ارزقنا رضى الوالدين

اللهم امين يعطيكم العافيه

لا حول ولا قوة الا بالله

اللهم ارزقنا بر والدينا

سلمت على النقل ,,