راشد الخلاوي

أوصيك يابني وصاةٍ تضمهـا=ليا عاد مالي من مدى العمر زايد
وصية عودٍ ثالثت رجله العصا=وقصـر خطوٍ كان قبلٍ بعايد
وصية عودٍ زل حلو شبـابه=عانيـه بالدنيا وعانيك واحد
لا تاخذ الهزلى علـى شان مالها=ولا تـقتبس ما نارها بالوقايد
ولا تتقي في خصلةٍ ما بها ذرى=ولا تنزل الا عند راعي الوكايد
فلي من قديم العمر نفسٍ عزيزه =أعـض علىعصيانـها بالنواجد
ومن كثر الطلعات للصيد ربـما = يوافيه غرات ٍ يـجي منه صايد
ومن تابع المشراق والكن والذرى =يموت ما حاشت يديه الفوايد
الايام ما باق ٍ بها مثل ما مضـى = والاعمار ما قد فات منها بعايد
نعد الليالي والليـالي تعـدنـا =الاعمـار تفنـى والليالي بزايد
يزيد نـجيب الخال فيها جلاده =وتـزداد فيها اللايمات الجلايد
إذا ما قدمتم المطايـا تقيـدوا = لدى مـن تقـي راياتها بالحايد
فعجللي بـها لاعاقك الله بالمنى =فحمـل المنايـا للبـرايا قلايد
تفكر يا ميمون فـي ربع دمنه = خـلا ربعها من أهلها يابن قايد
قل : الله هل شفت السخي ابن سالم =منيع من حاش الثنا والفوايد
وقد كان فيما قد مضى من زمانه = جميل الثنا من حامداتٍ وحامد
إذا رام أن يمضي على العزم وانتوى=بما رام ألفاً وانتقى منه واحد
فيا طول ما يارد بها جاهليـة=ويفجي الشبا عن كوكبٍ ماه بارد
فيا ابن الندا يا جالي الهم أن طوا=على ماء من بعض الجلاعيد صايد
بزرقٍ لاهلها قد طهاها وسادها=مع الحكم نقضي من بنانٍ وساعد
قل: الله لي من دمعةٍ يابن سالـم=لهـا حادرٍ قلبي هموماً وصاعد
لفانـي بـهاا لا ساعد الله ركبه=إذا ساعد الركبان مع من يساعد
سريع القرى للضيف في ليلة الشتا =وعيد المقاوي سيد الناس ماجد
قوي وساع السمط في كل عالة= تعادى بـها نسل القيان الولايد
ذوي من يلبي الضيف في مدلهمة = من الليل والما فـي مغانيه جامد
فمن عاش بالدنيا يرى يابن سالم = كريه الليالي والأمور الشدايـد
كفى الله ذاك الوجه ناراً من اللظى = بـحق المصلى نـحوه بالمساجد
فـيـا ما غزا من حرةٍ عامريـة =سمـاوية نـمرا الذراعين صايد
فيعنـّها للضـد ثـم يردهـا =بالارسان كره والنضا كالجرايد
قولوا لبيت الفقر لا يامن الغنى= وبيت الغنى لا يامن الفقر عايد
ولا يامـن المضهود قـومٍ تعزه= ولا يامن الجمع العزيز الضهايد
ووادٍ جرى لابد يجري من الحيا= إذا ما جرى عامه جرى عام عايد
متى ما الثريا مع سنا الصبح وايقت=على كل خضرا ودعت بالسنايد
وبوارح الجوزا ربـا فيه بسرهـا =وتـخالف الألـوان بين الجرايد
ونجوم الكليبين التي تنشف الثرى=يغـور بـها ماء العدود الوكايد
إذا غابت النسران بالفجر علقوا= مـخارفٍ فـي لينات الـجرايد
إذا ما مضى إحدى وخمسون ليلة =فلا تامن الما من حقوق الرواعد
قضى القيظ عن جرد السبايا ولا بقى=من القيض إلا مرخيات القلايد
وصلوا على خير البرايا مـحمد=كما ناح ورقٍ فوق حدب الجرايد

السلام عليكم ورحمة الله وبركاته

مجهود خارق الذي تقوم به أخي بدر

شكرا لك لنقل هذه القصيدة الجزلة ...

الله يعطيك العافيه

أبـــــــو فـــهـــــــد ،،

سـلـم بـنـانـك أيـهـا الـعــذب لنقل هـذهـ المعاني الفريد من نوعها

أطيب الـمُــنــى ،،

سـلـمـان الـعــــــــــرادي

موسى بن ربيع البلوي



عبد العزيز البلوي


سلمان العرادي


اشكركم على مروركم

شكرا لك.............ونامل بالمزيد