ردية بين الجبرتي والبعوض

((القصه ))


قبل أكثر من أربعين عام تقريباً قدم الجبرتي ضيفاً على أحد أصحابه في مدينة جده , ولكن الناموس كان له بالمرصاد حيث أحرمه لذة النوم وبقي ساهراً حتى الصباح وقد ألف القصيدة التاليه :

(( المجالسيه ))


البارح الناموس جرّد عليّه
جاني بقواته وقوم لظيّه
وأخذت لين أصبحت تومي يديه
وأصبحت من فعل النواميس سهران

وقلت يالناموس تراني أشكيك
على الحكومه والحكومه تجازيك
وتجيب لك سيار مشحون سفنيك
وأنته ضعيف الجسم يقتلك دخان

قال البعوض :

يابن شريّف مانت كامل جنودي
اللي تعدّا سد كل الحدودي
مثل السحاب اللي عليكم يقودي
إذا قلت قران يمسيكم قران


وقلت أنا عارفك يابو ذبابه
ماتصبح إلاّ فالبيوت الخرابه
نرسل عليك السم مثل السحابه
وحنّا نكافح كل ظالم وعدوان


قال البعوض أنا بلا من بلاويك
فالصبح أروح عنك والليل أماسيك
آكل كراعينك وراسك وأذانيك
فالصبح رحماني وبالليل شيطان


وقلت أنا بنام في وسط شرشف
أنا أهتني بالنوم والاّ أنت تصلف
وإذا قربت من الشراشف تخطف
تخطف جناحينك ولا عاد جنحان


وقال أنا ماعليه منك واحد لحالك
مانته محدد بالشراشف عيالك
عيالك اللي مكسبك راس مالك
وإذا سهر ورعك تراك أنت سهران


وقلت مالك إلاّ مذرحات الهبايب
اللي تشتك مثل شت الشعايب
ولياك منته فالديار القرايب
يحكم عليك الريح راضي وغضبان

قال لاهبت الحايه كبيرة تذريّت
أنته تبى برّا وأنا بداخل البيت
وإذا دخلت البيت ياليت ياليت
ألعب على راسك أغاني ودوش

صح لسان الشاعرومشكورعلى النقل

صح ذهنك يامسند ومعه كل الحواس وصح لسان الشاعر قايل هالابيات
ما يختار الحلووو غير راعي الاحساس و لا النت ملياااان من كل النوعيات

أكل كراعينك ورأسك واذانيك

فالصبح رحماني وبالليل شيطان

قصيده جميلة ..

صح السان الشاعر

مشكوووور يامسند ..

بارك الله فيك يابن دعيس