حنا بلي حنا

للعـز نــاس وللميـاديـن فـرسـان
ودوم الثقيلـه مـا لـهـا إلا جملـهـا
الشعـر بحـر وللمواقـيـف قيـفـان
والأروع الـلـي درتــه ينتشـلـهـا
والسهل يطفو فـوق سطحـه بالإمْكـان
ايـات شـاعـر لا وقــف يرتجلـهـا
وي والله إني جيـت ضايـق وزعـلان
ويا قلـب فـج الضيـق عنـي وقلهـا
ما هو عشاني .. بس ياقلب مـن شـان
ما كون شيطـانٍ سكـت عـن جُملهـا
ولا ياكـم عديـت مـن قـول سفهـان
و " سلامـا " منـي لا تبيـن جهلّـهـا
ياكـم ويـا كـم بـس بالموقـف الآن
لازم عـلـومٍ مـايــلات نعـدلـهـا
لـن البـلا بقلـوب نـاسٍ وأعـيـان؟
نـاسٍ تـدس سمومهـا فـي عسلهـا
ناسٍ تلوك الحقـد مـن بيـن الأسنـان
نـاسٍ مريضـه مـا تـداوى عللـهـا
والحين هاك العلـم مـن قلـب ولسـان
صـادق وعمـر السالفـه مافتعلـهـا
واللـي يطقطـق للرجاجيـل بيـبـان
لا جاتـه الكلمـة غصـب يحتملـهـا
يا هيه .. ذي .."ياهيه" تعني .. يا إنسان
ابسـط عـبـارات إحتـرامـه قتلـهـا
إعرف تـرى ربعـي طويليـن الايمـان
وصلوا مواصـل قـل منهـو وصلهـا
ربعي بلـي .. للعـز والمجـد والشـان
رمـز الشهامـه والكـرامـه واهلـهـا
ربعـي مواقفهـم علـى مـر الأزمـان
إليـن أأأأأخـر نـاس يُكتـب أجلـهـا
أهـل المواقـف فالمياديـن شجـعـان
مـا فيهـم اللـي يهابهـا ويختلـهـا
ربعي هل التاريـخ فـي ماضـيٍ كـان
قبـل النـبـوه والرسـالـه وأملـهـا
بوقت العرب مـا بيـن جـورٍ وطغيـان
وإبليـس لأصنـام المـذلـه عقلـهـا
جاها رسول الحق فـي خيـر الأديـان
بالنـور ظلمـات القـلـوب يغسلـهـا
ربعـي بكـل إخـلاص للديـن وإيمـان
وقفـت تدافـع عـن عقيـده حملـهـا
بغزوة بدر سطـر لنـا الوقـت عنـوان
روايــةٍ كــان المُـجـذر بطلـهـا
ومن بعدهـا وقفـات فـي كـل ميـدان
يـوم المعـارك دايـره فـي عجلـهـا
وبالتابعين .. ومـن تبعهـم بإحسـان
ربعـي لهـم صـولات محـدٍ فعلـهـا
وبالأندلـس تشهـد حضـاره وتيجـان
يـوم القصـور الزاهـيـات بحللـهـا
كانوا أهل للعلـم فـي ذيـك الأوطـان
أرض الحدائـق والـزهـور ونفلـهـا
وأمس القريب إنشد عنه إنـت شيبـان
وما تاه منهـو جـاء الرجـال وسألهـا
وأعرفه عارف .. بس هالحسد يأخـوان
يطحن بصـدر النـاس ساعـة فشلهـا
ولا بلـي ربعـي هـل العـز والشـأن
مافيـه عـاقـل بالليـالـي جهلـهـا
لكنّ بعض النـاس فـي تـال الأزمـان
تظلـم رجـالٍ لجـل تسـتـر خللـهـا
ولا ودي أشعـل فتنـه بذكـر عربـان
يكفينـي أحـرق بالفتـن مـن شعلهـا
والشعـر فنـي .. والقوافـي والأوزان
مـا عمـر فكـري بالمواقـف خذلهـا
وللعـز نـاس وللميـاديـن فـرسـان
ودوم الثقيـلـه مالـهـا إلا جملـهـا

الشاعر:احمد عايد البلوي

ودمتم بخير

أهـل المواقـف فالمياديـن شجـعـان
مـا فيهـم اللـي يهابهـا ويختلـهـا
ونعم في بلي مايشهد لهم قصيد
صح لسان الشاااااااااعر
وسلم الله يمينك على الاختيار

تقبل مروري

ربعي بلـي .. للعـز والمجـد والشـان
رمـز الشهامـه والكـرامـه واهلـهـا

***** صح لســــــــــــــانـــــك *****

صـــــــــــــــح لسان الشاعر