قصيدة للشاعر حمود التلفيه

السلام عليكم ورحمة الله وبركاته
لا أعلم حقيقة هل هذا هو المكان المناسب للقصيدة أم لا وللمشرفين حق نقلها للمنتدى المناسب اذا ما كان هناك سبب لذلك

وبالعودة الى موضوع القصيدة فالشاعر ( حمود بن عوض بن معوض التلفيه الرموثي البلوي ) من الشعراء المعدودين وقد أصيب بمرض عضال لم يمهله طويلاً وقد استدعى الأمر تحويله الى أحد المستشفيات في مدينة الرياض وهناك حيث تذكر الشاعر أهله وديرته أسند هذه القصيدة على أخيه ( حماد بن عوض التلفيه ) والقصيدة تتحدث عن نفسها .

ياراكب اللي فوقها الخرج واشداد = زين الرديف الى تعالى الحمادي

حايل ردوم وفوقها الني مزتاد = ما هي شراوي عند أهلها تلادي
ياعيال ياللي راكبيناً على جياد = لعلكم ما تطالعون النكادي
ياموصلين العلم قولوا لحماد = عساه يسلم من جميع الحوادي
ودايعه عقب الأهل ترث الاجداد = رحايله يوم المشاحي بعادي
لايستغر ان المغرة بها نقاد = ولا كل مرسالاً يسد السدادي
وش عاد ياحماد وش عاد وش عاد = متغيباً عنكم ولاني جوادي
اذكر لك ان الكبد ماتقبل الزاد = والقلب مني يشتغل شغل رادي
ودموع عيني عطرن كل الاخداد = ولا حسب دمع العين يرو البلادي
ارسلت لي خطاً ولاجاني رداد = يامن درى المكتوب هو وين غادي
حنا نعد الوقت وايامنا عداد = وحنا نسمل والليالي جدادي
ما كل من طب المقانيص يصطاد= نوباً يصيد ونوب حقه يصادي

وسلامتكم

صــح لسانك ولسان الشاعر ..

لك الشكر لاطرابنا بهذهـ القصيدهـ الجزله ..

سلمان العرادي

صح لسانك ولسان الشاعر

يعطيك الف عافية على القصيدة

ودمت في خير وعافية

السلام عليكم ورحمة الله وبركاته

نسئل الله العلي القدير ان يرحم الشاعر حمود التلفيه وان يسكنه فسيح جناته

ابراهيم التلفيه

يعطيك الف عافية على القصيدة

وياليت لو توافينا ببقية قصائده

لك خالص احترامي

يعطيك العافيه
يا اخ ابراهيم التلفيه على القصيده
ونتمنى ان نرى ردودك وملاحظاتك على قصائد الشاعر معوض التلفيه ان وجدت
ولك الشكر مرة اخرى
ورحم الله الشاعر حمود التلفيه واسكنه فسيح جناته

أخي /سلمان العرادي
صح بدنك وشكراً لمرورك العطر
تقبل تحياتي