رد على قصيدة ياسر التويجري

هذا ردي على الشاعر ياسر التويجري على قصيدته اللتي هجا بها ال زلفة واتمنى ان يحوز على رضاكم

بلغوا ياسر ســــلامي ثم قولوا انه=جدد الجرح القديم وفي بيوت اسماني
عن خيل الحرب يالله يا السنافي عنه=اسرجه نبغى نحطم عزة العلماني
في يساره نار كبرى وفي يمينه جنه=ليه يبغى بالخساير وغيره الربحاني
عاشق(ن)حب الفشايل ثم هن حبنه=كل يوم(ن)بالفشيله معلن(ن)اعلاني
قول للزلفه ترانا مخيبينن ضنه=ايخسي ما يستمع له غير هالبزراني
اطلعوا يم الديار اللي عليها الشنه=وارسخت بفكارهم صمغة الفيراني
لبسوا الجنز المخصر وتاركين السنه=واصبحوا مثل البهايم بين تيس وضاني
وارجعوا يم الديار اللي كستها المنه=ودهم نصبح بهايم مثلهم ياخواني
الله اللي قد خلقنا بين انس وجنه=اعتنى بمر البهايم واكرم الانساني
من تأمرك في بلاده ماعلينا منه=المهم انه يباعد ولا يجي بوطاني
بنتنا مثل الجواهر يومها منكنه=غاليه منته وكيل الغاليه يافلاني
انت مثلك يالوليشه ماهقى ينخنه=كود وحده اجنبيه وجوزها مرضاني
اوبنات(ن)مايعات(ن)دينهن ينسنه=وسط سكر الاهل ولا ضيعة الاخواني
شاريات الذل كله ودينهن باعنه=جانبن درب الهدايه وطاعة الرحماني
الحجاب اللي عليهن واجب(ن)لا سنه=حاولن حتى تغير لونه الدخاني
اصبح حجاب البنيه صرخة منجنه=كنه الكيس الرصيص بس بالالواني
يابنات العفه اللي عرضكن تبغنه=لا تضيعن بالحضارة ضيعة الغرباني
ماهقى بنت القبايل عقب طول الكنه= تصرخ بوجه العفاف وتلبس الاسباني
لانهن اخت الرجال وزوجهن ينقنه=مارضن في كل واحد ورزقهن رباني
يا سعد من هو يجيها راضيه ممتنه=في حلال الدين ماهو من ورا البيباني
بنت ربع(ن)من كرمهم حامسينن بنه=دربهم درب السناعه طيلة الازماني
واخت ذيب(ن)لا تنخوى بالبناخي كنه=نار كبرى من نطحها ينشوي حرقاني
الحماقه يالبنيخي كل ابوها شنه=اشتراها رجل واحد واسمه العلماني

والقصيده اطول من ذلك ولكم الشكر
طلال الهريم

[[FRAME="7 70"]size="5"]

	الاخ طلال الهريم الله يمسيك با الخير وربي يعطيك العافيه على هذه القصيده الجزله . طلال انا هنا معك ماني ضدك ولو اني ودي انها تريحني من شرها من سواقه وغيرها هات لي عجرى ورى المقعده مدسوسه= ودي احني بها جبهة العلماني نعنبوه ونعنبو منبعاً لرسوسه = ونعنبو من ييد الفاسد ...... كل ما شدت قفا زينه المحروسه =جالها فوق الجرايد قلم ولساني الاخ طلال ادامك الله لعزة الاسلام والمسلمين [/frame

][/size]

الرائع طلال الهريم
يستحق هذا العلماني عجرى كما تفضل اخي منصور
صح لسانك وهذا مكانها المناسب
دمت بخير

شكرا لمرور الجميع

طـــــــــــــــــلال ..

حقاً كانت جميله من قلم مبديعن أمثالك ..

سلمان العرادي

طلال وربي لو انك عندي كاان

قبلتك على راسك

يامبدع

اخوك الرقيقيص