يحسبون - الحب في غيرك يصير !!

هذه قصيدة

.

استثارتها رسالة جوال أتتني

من عزيز ..

الرسالة كانت أبيات شعر أظنها مشهورة

لا أذكر منها إلا :

ولو تبوك تصير في وادي عسير ....

فعندها كتبت من نزف الشعور :

.

.

.يحسبون.

..

.
ولو لقيت الحوت في نص الغدير=ولو تشب النار في جوف الغمام
ولو تغيب الشمس أو تاقف كسير=ولو يصير الصبح في وسطه ظلام
ولو يفيد العرب تشجيب ونكير=ولو تفيد القدس دعوات السلام
ولو يتيه الشعر في كومة شعير =ولويحار ( منيف ) في نظم الكلام
.=.
ما عدلت اليوم في حبك نظير=ولا هقيت الروح في غيرك تهام
.=.
يا مشاعر حب في قلبي تنير=يا حياة الروح في دنيا الحطام
يا عبير الورد ويا ورد العبير=يا شعور الحس ويا عبق الغرام
يا نسيم الصبح ويا همس الأثير=يا صباح النور ويا نور الجهام
..=..
كم كتبت حروف في حبك تثير=وكم سطرت بيوت في وزن النظام
للبحور أوزان أعسرها يسير=وللمعان ألفاظ حافظها تمام
ما بقى لي انظام وأخطاه الضمير=ولا بقى قاموس تعبيره ايرام
.=.
واعتدمت الحال بالحيل وفقير=عاجز التوصيف وبالقلب الضرام
إن صحيت أذكار تجحف بالضمير=وإن طلبت النوم أحلامك منام
وإن نهيت القلب ما يطاوع عسير=وإن زجرت أفكار : تعصاني دوام
""=""
.=.
يحسبون الحب في غيرك يصير =ويحسبون العشق من دونك يقام
.=.
""=""
انكتب بالقلب بالخطٍ كبير=ما يزول الخط لو يمحى العدام
.=.
ألتفت لله .. الحق الكبير=ألتجي باحماه أطلبه المرام
يا رحيم الخلق يا شاف الضرير =يا مجيب الصوت في جنح الظلام
أسألك والذل غطاني كسير=من عقب ما صار لي حب وهيام
في كتاب اللوح وبخطك قدير =اجعله مكتوب للقيا كلام
وانتهيت بقاف محتوم المصير=تنتثر أحبار ولا تداوي سقام
.=.

.
.

يوسف البلوي

يوسف بن عبد الله البلوي

قصيده جميله من شاعر كبير

صح لسانك وما زلنا نطمع بالمزيد

دمت بخير

السلام عليكم ورحمة الله وبركاته


يوسف

انت الا بداع نفسه


دأئماً نتطلع للأبداع والتميز


وننتظر المزيد

ودام الخير حولك ..

أسعد بتواجدك البهي هنا أخوي الألبد

أهلا أهلا أبو فيصل ..


ويعطيك العافية على التعقيب المسعد

الأستاذ

والشاعر المتمكن :

يوسف البلوي


لحضورك تميز

ولشعرك حضور


قصيده رائعه واستثاره مباركه أهدتنا رائعه من روائع

يوسف بن عبدالله البلوي


الف صح لسانك وسلم بنانك ودمت بخير