قصيده جديده بعنوان (الشعر)

بأسم الكريم الرازق اللي نعبده=أليا طلبه العبد من الخير أعطاه
رباً عزيزاً كل أمراً بيدَّه=هو العظيم اللي نطيعه ونخشاه
وعلى الذي خسران من صار ضدَّه=صلاة رب الكون رباً رضيناه
الشعر ماهو كل واحد يعدَّه=الشعر يبغى له جزاله بمعناه
مثل السديري والزلامي بعدَّه=شعراً رفيع المستوى اليا سمعناه
الكل دايم بالمجالس يرده=الشعر منهم بالجزاله عرفناه
الشعر وده شاعر يكون قده=اليا بدأ بالبيت يتعب على ابناه
يجي قصيده طيباً في مشدَّه=ويزين شعره آخره مثل مبداه
ولاَّ ضعيف الشعر كل يصدَّه=الناس تفهم طيب الشعر وارداه
مثل البحر الشعر بجزره ومدَّه=شعراً قريب وشعر مانلمح أقصاه
إليا جاك طايع لعن ابو ابو جدَّه=ايترجم الأحساس فرحه ومُعَاناه
شعراً ايوصَّف زين من زين خدَّه=أو مدح يمدح طيباً فعل يمناه
وختامها على رسول الموده=صلاة اله الخلق رب السماء الله

مرشح قناة الصحراء
الشاعر / خميس بن حمد الحميدي أبوذراع البلوي

موفق يا ابو عادل والى الامام

نعم الشعر ما هو كل يعدة

الشاعر

خميس أبو ذراع


صح لسانك

الشعر وده شاعر يكون قده

اليا بدا بالبيت يتعب على بناه

وأنت قده وزود بعد

تحياتي

موفق يابو عادل ...كفوا بالشعر ولا بغيره ...وصح لسانك وفالك الفوز
انت وابو فيصل

صح لسانك ياخميس
ونعم الشعر هذا

تسلم اخوي خميس وفقك الله

الشعر للشاعر احساس ومعاناه=ولاكل من رام القوافي نظمها

ابداع×ابداع
تقبل مروري
اخوي
ابو عادل