احببتكـ فرسمت تفاصيلكـ /فـ كثحت في وجهكـ التراب# [برائة متشلخه في طعوس الطفولة]$

السلام عليكم ورحمة الله وبركاته

يالله انك تحيي كلن باسمه

احس اني ريحت واجد ولبد اسدح موضوع جديد , هالمره نبي ها موضوع خونفشاري
نبي موضوع لا يمد للفائده بصله

غير وسعة الصدر والفله والفضايح اهم شي


ودي بهالموضوع كلن يحكيلنا اكثر موقف صارله في ايام الطفوله الملغمه بالبرائه والصياعه ولحد اللحين ما نساهـ

سواء مضحك - محزن - عضة وعبرهـ

===============================================

شطحه قبل ابدى / سبحان الله الشخص منا لا ينسى من احسن اليه صغيرا وايضا لا ينسى من اساء اليه صغيرا

اذكر يوم عمري 8 سنوات كان جارنا عبدالله يسولف مع جارنا احمد بالمجلس بلحالهم ومير اشطف من عندهم ,, وابوي كان برا طالع مشوار وهذولاء جالسين لحالهم


الا ويناديني جارنا احمد ويقولي يا وليدي رح جب لي مويه , وانا على الريحه : ابششر

واطير للمطبخ ومن البرائه كان الكاس مليان لحد الفل فكنت ماسك الكاس بيديني الثنتين وامشي بشويش

يوم وصلت عندهم ويجي البثر جارنا عبدالله ويقول ايه داري وراك تمشي بشويش تبي تتسمع الكلام عشان تنقله لابوك يا قليل الحياء
يا مسجل يا رادو يا يا يا
انا صرت كذا طيب اذا بينك وبين ابوي مشاكل انا وش دخلني لا ابوك لا ابو الي جابك يا كونان
واروح وراء الباب واقعد اصيح حسيت انه جرح كرامتي ويجي جارنا احمد ويودني البقاله وعاد رضيت بوقتها
ومن يومها اشوف ابليس ولا اشوف جارنا عبدالله , وبالمقابل احمد ذا لو يبي عيوني يمكن اعطيه ويمكن لا


الزبدة / / ان الصغير سبحان الله ما ينسى , عاد من يومها وانا اسوي نفسي حنون مع الاطفال اخاف احتاجهم اذا كبرو ويسحبون علي


واذكر من المواقف الي كل ما اتذكرها اضحك وبنفس الوقت احقد
كنت اروح بباص ايام الابتدائيه قاط مع عيال الجيران وكان الي يسوق الباص بدوي بحت >
الزبده اني كنت دايم استهبل عليه يقالي عنتر زماني واقوله انت صح معك ددسن الا الا اعترف كلكم تحبون الدداسن طيب وش لونها ,
صح انتم تحبون التفحيط صح عيالكم يصرقون الددسن ويفحطون فيها وووو
الين بدا ما يطيقني بعيشة الله
عاد وش سوا ذا الحقود النذل

قبل لا اوصل لبيتنا كنت واقف عند باب الباص واسولف مع العيال , مادريت الا ابو الشباب وهو لاف مع لفة بيتنا الا ويفتح الباب وامصط على وجهي بالشارع
انا ماهمتني المسطه كثر ما ان الشنطه كانت على ظهري مدري انا القاها من وجهي الا بالزفلت ولا من هالشنطه الي وزنها بالاطنان من طلب العلم

ويلتفت علي ويقولي خلني اسمعك تقول ددسن نوبتن ثانيه هنقلع لابارك الله فيك
وطبعا الطلاب انواع الضحك وصرت مسخرة المدرسه في تلك الايام السوداء

والحق يقال اني من يومها باخر مقعد بالباص حتى النفس اطلعه بشويش اخاف ازعج حبيبي السائق


الموهيم باااقي كذا موقف >> تحمس الاخ

يا كثر مواقف الطفولة >> صوت مزمار حزين

صار لي موقف حزين مع ولد جارنا للحين ما انساه

,, ومشكلة كل ما اشووفه يجيني احساس [ اني اذبحه او افجر فيه او ارمية في حفره فيها وحوش >> فيس تفكير ورعنه

نيهآآآهآآآآهآآآآآهآآآآآ >> الضحكة الشريرة

هذولا جيراننا عندهم بقاله وابوي يحاسبهم اخر الشهر الموهم انه كل يوم وانا عندهم في البقآله
نتقضى في ذاك اليوم جاء ولَد راعين البقالة وقفل علي انا وأخوي الصغير في البقاله

وقال منتوا طالعين الين تدفعون اللي عليكم يا غبي يا اهبل انا ايش دخلنا ابوي وابوك يتفاهموا مع بعض حنى عيال النهار دا << فيلم مصري منتهي تاريخه

يا بكيت بكا لدرجه اني 3 سوائل تلخبطت في وجهي
ويقولوا اهلي ما تعرفوا علي اللى بعد ما غسلوا وجهي بكلوركس
و اللحين ما شاء الله الولد صار عنده سوبرات كتيره وحنى لسى نشترى منه
دنيا والله صار كل ما اشوفه نقعد نضحك واقوول يا وصح انت مرمطتني انا صغير

يااااااه يا حب طفووولة

احلى موقف في حياتي لا تذكرته اقعد اضحك لحالي

قصتي مع حب الطفوله هالبنت البثره تحبني حبتها القراده وتقولي كل يوم بتزووجك اذا كبرنا
بس تحلم المهم كنا بالعطله الصيفيه متجمعين ببيت خالي حنا وخالاتي واخوالي الربع كلهم متجمعين

وعيالهم وبناتهم وفله بزراين الأمهات متسدحات داخل وقرر ×قرر وحنا ماخذين راحتنا

المهم الفجريه كذا كل البزران خمدو ورقدو عند امهاتنا مابقي الا انا والحب الطفوله
سهرانين والجو رومانسي ونتابع عدنان ولينا المهم كنت برابع ابتدائي واسنان طايحه
والخشه تسد النفس وذيك السوالف مدري على ايش كانت تحبني الموهيم ننزل تحت للمطبخ
وناخذ كاسة شاهي ونفتح الثلاجه ونصب داخلها لبن ويدخل الشيطان بروسنا

ونقوم ونحط فلفل وفوقه ملح وفوقه ليمون وفوقه زيتون وفوفه معجون طماط

وفوقه فراوله تصدق مسكنا الفراوله وفغصصناها ليما طلع عصيرها

وفوقه كل هالدنيا بالكاسه وفوقه سمسم وفوقه حليب وفوقه اشياء تجيب ابو المغص
ليما قلب لونه وردي محمر وجلسنا نطالع فيه ونضحك ضحكه شرانيه
واستاسنا بالبطوله اللي سويناها شوي يجي ولد خالي الصغير اخوها
يبي يشرب مويا واستغلينا الفرصه قلنا له هذا عصير جبناه من البقاله
قسسسسسسسسسسسسسسسسسسم بالله طعمه خخخخخخخخخخخق ذوقه
والله يجننن والولد تردد يطالع فيه قرفان وقول داخله وش ذا
وحنا الملاعين ضغطنا عليه ليما سواها وشرب وتفل ع طول
هههههههههههههههههههههههههههههههههههههه وقلب وجهه اصفر
وحنا فقعنا ضحك وراح نام جنب ابوه ليش ان امهم مسافره
والمغرب كذا قام الولد وقال لأبوه بطني يوجعني قال خالي وش ماكل

قال فلان و حب الطفوله سوى خلطه وحطو فيها معجون ( يقصد معجون الطمام )
بس ماوضح الوصخ وخالي فهم انه معجون اسنان ويناديني بصوت عالي
وقفت قلوبنا ودخلنا انا وحب الطفوله الغرفه وظلاام ما نشوف خالي بس نسمع صوته
واقفين بجنب بعض تقل اواني فخارية ورجلينا تصافق من الخوف وخالي يقول
حاطين معجون اسنان ي **** وحنا لالالالالالا والله معجون طمام قسم بالله ونبكي انا وهيا
وم صدقنا ههههههههههههههههههههههههه وقال يلا اعترفو وش حطيتو !!
وانا اقول سمسم وو طماط وو وحب الطفوله ساكته نفخ فيها ابوها قال وانتي تكلمي يا ثوله
قالت ملح وسكر ولبن وانا اكمل وهي تكمل بالأخير طردنا من الغرفه
ورحنا غرفة جدتي وجلسنا نبكي انا وياها ههههههههههههههههههههههههههههههههه
بعدين جاء خالي ورضانا وعطانا فلوس + بوسه وانبسطنا
ورحنا صرفناها بالبقاله

مره هذاك الموقف م انساه وليومنا هذا امي تذكرني فيه وتضحك هههههههههه

===============================================

عاد اللحين جاء دوركم سولفوا وخبرونا بما صار عليكم بطفولتكم الخاايسه اقصد الحلوه

بالله لحد يرد الا بموقف حركات يعطيك العافيه تراهم بطلوها



وياويلكم لو تنقلون الموضوع ي جماعه نبي نضحك ونفلها دايم هواش وطقاق .. لا اهكر منتداكم ذا





المايك لي اسرع واحد

اقرب المواقف

كانت طفولتي كلها شقاوه

اشكر اخوي على الموضوع الذي ذكرنا في ايام الطفلوله

بس كانت حلوه

]ههههههههههههههههههههههههه
ككككككككككككككككككككككككككككك
خخخخخخخخخخخخخخخخخ
أيااااام الطفووووووله مجنونه
ابدعت عبدالرحمن في سرد ايامك
الحلوووووووووووووووووه ه ه

ابشر ولا يهمك ماطلبت شي ياكثرها المواقف بس اتذكرها بدرعم على الموضوع واكتب
زماااااااااااااااااان عن كثح التراااااااااااااب

هههههههههههههـآآآإي

الله يهديك ياع ــبدالدرحمن وش خليت لنآ

سلملمي ع جآرك عبدالله هههههههه

لنآ عودة بأذن الله

تحياتي لك ياباشششش مهههندس

ههههههههه

يانك متمرمط مرمطه عبدالرحمن

بس يعطيك العافيه على الطرح الجميل

اشكرك جزيل الشكر