منتي بمعذوره

اسوق الخطاوي مع طريق القهر والضيق
وامول على اللي فات واقول مشكوره
تقلبني الاوجاع واطيق لو ماطيق
على شان هيبة مشلح العز يانوره
طيور الهموم بجو قلبي لها تحليق
ودمع العيون اعلن على خدي الثوره
اعتق لك اقصور الغلا بالغلا تعتيق
وتقفين عن دنياي عجله ومذيوره
موثق لك عقود الوفا بالوفا توثيق
وتلغين بمفارقك بنده ودستوره
تقهويت من كاس التفاريق امر ابريق
ورددت يانفسي على الحزن مجبوره
سراج المحبه يالغلا يالذيذ الريق
لفحته هبوب مفارقك وانطفى نوره
تطوقني الحسره بعتم المسا تطويق
وتصرخ لك اشواق المعاليق مذعوره
تغيبني الاهات عن صحوتي وافيق
واعود على دفتر بقاياك وسطوره
بقول الك جمله بس تدرين لاتعليق
عسى الله يحفظك بس منتي بمعذوره




الشاعر / تركي العقيلي

خيااااااااله

اختيار موفق اشكرك

مشكوره على الابيات الجيدة وبالتوفيق بالمشاركات القادمة

صح لسان الشاعر
وصحت اناملك على النقل

خيااااااااله

اختيار موفق اشكرك

اشكر مرووورك ابو محمد

مشكوره على الابيات الجيدة وبالتوفيق بالمشاركات القادمة

اشكر مرووورك ياسر