مايرتكي للمعضلات وينقل الحمل الثقيل

الملف الشخصي · 02-12-2008, 04:02 AM

السلام عليكم

مجموعة من الرسايل جمعتها لكم من الجوال وأهديها لعضو عضو بالمنتدى

ارجوا ان تنال على رضاكم

مايرتكي للمعضلات وينقل الحمل الثقيل = الا ثقيل حافظ قدر اللحى واشنابها
متراكي بين الجبال اللي لها ظل ظليل = النايفات الشامخات الراسات اهضابها
قد المكانه قدها وقدود يالسيف الصقيل = شبيت نار المرجله والنار من شبهابها

ياطير يا خفاق ود المراسيل = واحمل سلامي في جناحك وشله
امانتك لا جيت ذيب الرجاجيل = في مجلس كل النشاما تدله
حب الخشم ثم قبل الراس تقبيل = حبة غلا وخلاص من صاحب له

إليا بغينا الطيب ننصا هل الطيب =أهل الوفا ستر الجنوب العرايا
لنا على الطيب حقوق ومطاليب = ولا الردي جعله لرجلك حذايا
وانتم هل الطولات وانتم هل الطيب = وانتم هل الفزعه سهوم المنايا

العز يبقى للرجال العزيزين = والمرجله صعبه على غير أهلها
والمدح ما يزها به الا الكبيرين = وانت الوحيد اللي بطبعه شملها
طيبك على ناس وناس كثيرين = انا أشهد انك في المواقف أهلها

لا ضاق صدرك في الليالي الشديده = والناس صدوا في نهار المروات
خذني يمينك لو دروبك بعيده = لو إن آخرتي معك بين الاموات
لك صاحبن لجلك رضا بالجريده = ينحط اسمه في سجل النهايات

نرمي هقاوينا على نية الغيب = والبحر يغرينا من الجزر مده
ولا ينحمد وقتن كسر هيبة الذيب = ولا ينحسب ند على غير نده
لنا مواجيب وعليكم مواجيب = وكم من كريم يمشي الوقت ضده
إما نجي بكفوفنا راهي الطيب = ولا نغيب او لاقليل نمده

تحية دفا مني في جونا البارد = يلي بكل احترام الناس يطرونك
نرسل لغيرك من الارشيف والوارد = إلا انت نبدع جديد الشعر لعيونك

بعض العرب شرواك لا غاب مفقود = ننصاه لو قالوا دياره بعيده
تستاهل التقدير يامنبع الجوود = تبقى فريد ولك صفات فريده

مني لاعز الناس حلو التراحيب = مضمونها تقدير من قلب صافي
سلام يارعاي الوفا والمواجيب = سلام يارجل مع الناس وافي
لك منزل بين الضلوع الحاديب = عساك دايم بالوجدو متعافي

ياما حلا قدام وقت التشاريق = تل المواتر اليار رقد كل رمه
من فوقها اللي يقطعون الرقاريق = خطو العيال معصبين الاعمه
شرواك ياذخر العيال المطاليق = ولا الردي مالي بمدحه وذمه

دنيا غريبه قاطعتنا عن الناس =أعز ناس بالزمن صادقتنا
اصحابنا اللي قربهم يرفع الراس = عنهم مقادير الزمان أبعدتنا
ومادام صحبتنا على مذهب او ساس = تبطي ظروف الوقت ما غيرتنا

يشتاق قلبي للرجال المطاليق = شوق الحبيب اللي تمنى حبيبه
كنز الرجال ولا كنوز الصناديق = المال يفنى والنشامى تجيبه
رعاك ربي من عيون المخاليق = والله يصيب اللي يبالك مصيبه

الصاحب الوافي من الناس لا باس = لو باعته كل المخاليق نشريه
حقه ومن حقه نشيله على الراس = ونمشي على كيفه ونتبع مشاهيه
وان حدته سود الليالي والاتعاس = حنا سند راسه وحنا عزاويه

الذيب لامنه رقى بالمراقيب = يطري علي اهل القلوب النظافي
يطري علي اللي يعرف المواجيب = شرواك يلي طول الايام وافي
لابد ماتصفي عدود المشاريب = ونشرب انا وياك من عد صافي

سلام ياحرن على بيض الاوكار = حر مواقيعه بروس الجبالي
حرا ليا وقع وحرا ليا طار = وحرا يهابونه قروم الرجالي
حلياه يذهل كل عاشق وصقار = عند العرب يضرب بطيبه مثالي

يامرحبا ترحيبة البدو بالخير = مزنن تحدر من جنوب وشمالي
بالصاحب اللي به مواري من الطير= ما ينزل الا فوق روس الجبالي
لك خوة يشفق لها سالم الزير = ولك وقفتن يعجز عليها الرجالي

تنساق لك يالقرم بيض الفناجييل= حيث ان مثلك في الجالس نعده
انت الذي لاصار بالعلم تبديل = النادر اللي كل لازم يسده
ياشوق من لبسة رقوم وخلاخيل = يافزعة اللي قاسي الوقت حده

جعلك تسلم يامكمل المواجيب =يامن على روس المعالي تعدي
شيخ ولد شيخ وذيب ولد ذيب = متسلسل بالطيب خال وجدي
له فزعة تسهل كبار المصاعيب = ولا هو من اللي بالوازم يصدي
لا تلحقه شكة ولا يلحه ربي = وفي واجبه دايم انا مستعدي

وسلامتك

محبكم