يايمه منتهي جيتك قصيدة رائعة

يا يمه منتهي جيتـك وطالـب منـك الغفـران

اقبـل قاعـة اقدامـك واغسلـهـا بدمعـاتـي

يـا يمـه كـل مافينـي يناديلـك انـا ندمـان

طلبتك قولي سامحتـك ردي لوجهـي بسماتـي

انا ادري قلبك الطيب **رته بصدمت النكـران

غلطت وغلطتـي هـذي تعيـر كـل غلطاتـي

تشوفي الشيب يا يمه ترى ماجا وانـا فرحـان

وربي الـي رفـع ذاتـك ونـزل لـردى ذاتـي

فقدت الراحه من بعدك فقدت الطيبه والتحمـان

بدونك راحتـي غايـه بدينـك هـذي راحاتـي

انا بعدك ولا حاجه انـا بعـدك تـرى عميـان

اشوف ولا اشـوف الـي يورينـي مساراتـي

انا وسيد الشقا والهم من بعدك غدينـا اخـوان

يجيب اهموم هـا العالـم ويرميهـا بمتاهتـي

صدقتي يوم قلتي لي تدين اليـوم بـس تنـدان

رميتك فـي بدياتـي ورمونـي فـي نهاياتـي

انا من شالك بايـده ورمـاك باسفـل البركـان

نخيتنـي وطلبتينـي ولا حصلـتـي نخـواتـي

مثل ماهنتي بعيوني عليهـم قلبـي يمـه هـان

رموني وطعتهم فزعه وانـا الدمعـات فزعاتـي

يايمـه لا تظنينـي انـا مـن فعلهـم زعـلان

سوات فيـك سويتـه وسـوو فينـي اسواتـي

يـا يمـه يالله ضمينـي ودفينـي بهالاحضـان

انا ادري فيك مشتاقـه وهمـك بـس ملاقاتـي

يا يمه حيل ظمينـي ابـي ارتـاح انـا تعبـان

تعبت اهرب من ذنوبي ابيـك آخـر مسافاتـي

ابسمع منك اي كلمه نسيتـك مسمعـي ولهـان

ابسمع يمـه بصوتـك ابذكـر فيهـا نشواتـي

اشوفك ساكته يمـه غفيتـي ولا انـا غلطـان

غفيتي يا بعد عمري تعبتـي مـن مواساتـي ؟

يا يمه يايمه طالبك قومي اذا لي بعيونك شـان

اشوف االموت بعيونك عساها بخيـب هقواتـي

تعالوا يا بشر شوفوا انـا محتـار انـا تلفـان

انا امي مدري وش فيها انا مدري انـا احاتـي

شنـو امـي انـا ماتـت لا لا تـرى غلطـان

انا امي مـا تخلينـي علـى حزنـي ووناتـي

انا امي قلبها طيـب ولا يمكـن تبكـي انسـان

انـا امـي مـا تبكينـي ولا تتمنـا اهـاتـي

يا يمه صح مامتي ؟ وصح الموت تو ما حـان

اذا متي انـا بعـدك ابقضـى ويـن ساعاتـي

يا يمه قومي يا يمه وقولـي المـوت لا ماكـان

انا جيتـك وانـا نـاوي انـدي فيـك جناتـي

تركتيني ومتـي ليـه تركتينـي وانـا غرقـان

ولا مسمـوح يـا وليـدي ولا تلعنـك لعناتـي

انا الجاني وانا المجني وانا المخطي وانا الندمان

انـا بيـدي رميتـك ايـه وبعثرتـه ملفـاتـي

وجيت من الهنا مفلس وقلبي من الضنا خسران

تركتينـي علـى نـاري اعـدد فيـك زلاتــي

ولاني مرضين ربـي ولانـي تابـع الشيطـان

انـا بعـدك تـرى مابيـن نهاياتـي وبداياتـي

يا يمه منتهي جيتـك وكـل مرتجـي غفـران

وشفت النـاس تعلنـي وتحذرنـي مـن الاتـي

للشاعر/ نهار الظفيري

قصيده مؤثره


من منا لا يبحث عن عطف وحنان الام ؟


الله لا يحرمنا من امهاتنا ,, آمين





صح لسان قايلها ,, وتسلم يد ناقلها







تحياتي ~

قصيده مؤثره فهل من معتبر شكراللك اختي خيالة الشمال على جهودك ومواضيعك الهادفه
الله لايحرمنا امهاتنا ويرزقنا برهم على الوجه الذي يرضيه عنا
وبصراحه اناتأثرة بهاذه القصيده وكتبة هذه الابيات
احبكي حب بلاوقت وحدود========حتى جرى حبك بشريان دمى
ومع كل يوم يمر حبك به يزود======وبعدك يسبب لى عنايه وهمى
وغلاك في قلبي على طول موجود=====ولوتطلبين الروح للك قلت سمى
يامصدر الآمان يامنبع الجود=======يقرب القلبي من اخويه وعمى
عمر(ن)بدون رضاك ماضن به فود====وشلون دون ارضاك شملايلامى
وذا سئلتومن بي القول مقصود======رديت باعلى الصوت قصدي به (أمي)

يا يمه صح مامتي ؟ وصح الموت تو ما حـان

اذا متي انـا بعـدك ابقضـى ويـن ساعاتـي

يا يمه قومي يا يمه وقولـي المـوت لا ماكـان

انا جيتـك وانـا نـاوي انـدي فيـك جناتـي

أسأل الله جل في علآآآه ان يرحم (أمــي ) وجميع موتى المسلمين وان يغفر لهم وان

ينقهم من الذنوب والخطآيآ كمآ ينقى اثوب الأبيض من الدنس وان يجعل قبـورهم روضه

من ريآض الجنــه وان يظلهم تحت ظله يوم لا ظل الا ظله وان يجمعنآآآ بهم بجنآت النعيــم يااااااااااااااااااااااارب ..!


يعطيك العافيه اختي/ على هذا النقل الجميل والرائع
والذي ان دل يدل على أرتقآء ذآئتقكم ورقيهآآ ..!

تقبل جل تقديري وأحترآمي ..!ّ