خلك على مثل ماعرفك ذيب

(يــاصــاحــبــي )

ياصاحبي مالك وما المكاتيب

لاهيب من صوبك ولاهيب صوبي

صدرونا ربي خلقها دواليب

والسر فيها للعموم محجوبي

بيني وبينك ولف ولف على طيب

ماهوب ولف مدلعات الجيوبي

خلك على الهقوة مثل ما اعرفك ذيب

لاتاخذك فينا حكايا الكذوبي

ماني بشيال الرصاص المكاذيب

ماهوب من طبعي ولا من سلوبي

الكذب طبع مفبركين الالا عيب

اللي عن اعراض البشر ماتتوبي

اهل النقيلي بالنميمة مناديب

اهل الوجيه السود سود القلوبي

اللي تعذربنا وفيها العذاريب

واللي تعيب وكل ابوها عيوبي

كم حاولو فينا بشتى الاساليب

ياما حكو عندي وياما حكوبي

ولا دخلني فيك شك ولا ريب

واخذ النصيحة والكلام محسوبي

خلك مع كرام اللحا والاشانيب

اللي عليهم ماتضيق الدروبي

والله يقوي شاذبين العراقيب

اللي مكاسبهم حصايد ذنوبي

محمد بن شديد

شكرا للناقل
وصح السان الشاعر

شكرا للناقل
وصح السان الشاعر

العفوووو اختي
صح بدنك