قصيده اتجاه الزميل {لذاذ بن يحيى الشملاني العنزي

	هذي القصيده كتبتها تعبير عن مشاعري تجاه الزميل { لذاذ بن يحيى الشملاني العنزي }عندما صارت عليه قظية قتل وانحكم {بالقصاص} قبل تسع سنوات واخترت بنته الصغيره بالقصيده لأنه كان يقول لي أنه يغليها غلا زايد لدرجة انه لويتأخر عن وقت الغداء ماتغدى حتى يجي من الدوام وأخذتها منطلق لهذهي القصيده} وحبيت انزلها مشاركه : واحرق قلبي حرقة البن بالنار ................... في يد واحد معتجل في اسواها على زميلآ(ن) صار بالوقت محتار ................... مابين ضحكة طفلته مع ابكاها من غيرها ورعان وكبار وصغار ................... بنتآ(ن) صغيره تنشد اللي لفاها منهو يجيب علوم ابويه والأخبار ................... ماغير تمسح دمعها في يمناها وكلآ(ن) يقول ابوكي رايح لمشوار ................... قالت حياه بدون ابويه بلاها ابو جلال اللي ورى اقفال وجدار ................... يالله تقبل من عياله ادعاها نطلبك ياللي تعلم السر وجهار ................... اعداد ماتنظر عيون ابسماها واعداد مايوصي نبيك على الجار ................... وعداد من لبى بمكه وجاها وعداد ماتنبت على الأرض الأشجار ................... وعداد حبات الرمال وحصاها تفزع لنا باللي مغيب عن الدار ................... وتعود بسمات العرب في اشفاها أنا اشهد ان القلب محروق بالنار ................... نارآ(ن) قويه محرقه في سناها لنا وصلنا في محله والأذكار ................... العين قامت تشتكي من عماها ياالله ياوالي على كل الأقدار ................... ترحم صغارآ(ن) لاتخيب رجاها وإختامها ننخى هل الجود والكار ................... يعفوا عن المحكوم ويلقوا جزاها من عند واحد يرزق الطير بالغار ................... اللي خلق النفس ويعلم خفاها الشاعر عطاالله صالح ابوخشيم البلوي

كلام كبير .... وصح لسانك .:.