يقول الكثير و الوابصي

يقول: الكثير

ياعيد ابن قيضي مسى الورد والنور= والمسك والريحان والزعفراني
يالوابصي شعرك مع الناس مذكور = وهدفك واضح من قديم الزماني
بالمنتدى شعرك مميز ومشهور = واللي عرفته عنك راعي معاني
وانا من الجمهور شاعر ومغمور = ابحث عن المعنى واراوح مكاني

يقول: عيد بن قيضي ردا على ابيات الكثير

جتنـي رسالـه كلها ورد وعطـور = وحيـا بها قلبي وحيـا لسانـــي
يا مرحبا ترحيب من بال مسرور = بالشاعر اللي بالرسايل عنانــي
يابو حمود انتم لكم مجد معمــور = المجـد منكم بانيا له مبانـي
انتم هل الحيزا لكم فعل مخبــور = ســمّ العدو ومقدمين السمانــي
وترى الصقور اتعقب امثالها صقور= ماظنتي منها يجي نوع ثانــي
وانا تراي بساحة الشعر مكبــور = وعدّ الروى تكثر عليه السوانـي
ارجو من المولى عسى الذنب مغفور= من ذاكرين الله 0 يالله عساني

مدري وش اكتب ولا وش اقول اقول عيد والكثير والا الكثير وعيد
كلكم عينين براس صديق وبن عم لو ادخلت القصيدتين مع بعضهن يصيرن قصيده وحده وشاعر واحد
بارك الله فيكم وبشاعريتكم الفذه

الله يعطيك العافيه وصح لسانك وردك على ابياتي المتواضعه شرفني واسعدني وانت شاعر متميز نتعلم منه الكثير..تفاعل مبهج من شاعر متمكن يجيد العزف ويطرب الجماهير مشكور ياعيد وبارك الله فيك.. ولاعليك ولا على ربعك زود

صوت..وصدى

وهكذا يكون الشعر الحقيقي والمميز !!

أسعدكم الله ياعيد ،أنت والكثير

وكل يوم وعام وأنتم الشعر والفرح

ودمتم في أحسن حال

****

الله يعطيك العافيه وصح لسانك

لا ادري ماذا اقول فكلكم شاعرين مميزين اسال الله لكم التوفيق