كم حاكم نهايته وسط السراديب .

كم حاكم نهايته وسط السراديب

مشهد رسـخ فــالــذاكره ياالاصــاحيب
_____________من الالم يااجــــــواد مــاهــو شماته
كم حــاكـم نــهـايته وســط الســراديب
_____________يــلــجأ لــهـا مــن شــان ينــقذ حياته
ينصــب مــتــاريس ٍ ويفــتـح مزاريب
_____________يحــفـرثم يــدفـــن ويــطلـع حصـاتـه
عقب القصور وعقب بيض الرعابيب
_____________مــاظـن لــيــلــه يـهــتــنـي فــي مباته
وش حـوله من عـــالــيــات المراقيب
_____________ومــن اولٍٍ يــافــخـــرنــا فــي لــقــاته
كنا نحـسب انه عــلــى العــز والطيب
_____________مــوقـعـه وويــن الــليّ يسوي سواته
بنظارنا ياقــرب وصــفــه مــن الذيب
_____________لو بالخفى يــشــتال لــلــضــلــع شاته
وجـه الشبه واضح ومن دون تقريب
_____________لــكــن ويــش الــليّ يــبـعـد صــفــاته
الكــل منهم لـو وقــف فــالــمــواجيب
_____________مــاواحـــد ٍيـــقـــدر يــقــرّب عــبــاته
مير الجشع ما يحــضـر شوي ويغيب
_____________لـو انـتـصـف كــلا ًعـــطــى واجـبـاته
تمــلكـون الــضــلــع والسهل وشعيب
_____________كـلـوا هــشــيــم الـقـاع واخضر نباته
وش ظل لليّ يـكــون اســرته ويجيب
_____________ويــعــيــش بــيــن اولاده ومــع بناته
والشعب ادرك لو غزى راسه الشيب
_____________فالـعـمر ماحــقــق ســوى ذكــريــاته
مالوم من هـو يـكـثـر الرمي ويصيب
_____________يــبــغى يحــقــق شــي ٍمــن امنــياته
ونهاية الحـــاكـم بــوســط السراديب
_____________يــلــجــأ لها مــن شــان ينـقذ حياته

صح لسانك وتمنيت ان القصيدة ابلغ من كذا مع ملاحظة الوزن في بعض الأبيات

صح لسانك وتمنيت ان القصيدة ابلغ من كذا مع ملاحظة الوزن في بعض الأبيات

اي قصيده يتمناها القاري بطريقة ماوفي مستوى معين تكون قصيده موضوعها مطروح ومحدد ومقيده بشروط ونعم يكون عليها تقييم وتحديد مستوى.
انما هذه القصيده موضوعها من من شاعرها وبناها بأفكاره وليس مقيده بأي شرط الى ان اقتنع بتركيبها بهذا الشكل.
ومن ناحية الوزن اعتقد في الشعر النبطي اذا اشكل عليك البيت غنه.ومن الصعب اقوم بتشكيل كل كلمه في بيت وكلنا ندرك ان الموقع عليه شعراء ومن يجيدون قراءة الشعرالشعبي.
واذا تقصد باالذات شطر هذا البيت :
مــوقـعـه وويــن الــليّ يسوي سواته
شطر هذا البيت اساساً كان:
موقعه ما واحد يسوي سواته .
وعدلته قبل ما تشيل التحريرشعرت انه مستهلك من قبل.
ولكن من يلفظه بمثل ما كتب لايوجد به كسر.

وبعض الالفاظ الموجوده في القصيده مقصوده لانها أُخذت من المشهد.
هذا للايضاح .
وطلبي منك اخي الكريم/ ابوعمر ارجوالتكرم بحذف الموضوع طالما حوله شكوك في ضعفه وخلل في وزنه ولا يليق نشره على هذا لموقع الذي اكن له ومن به كل محبه وتقدير واحترام.
وفقك ربي ياالغالي.