إعتبارات الخفوق

كلها تنديد هوجاسي وردّت صدى
واعتبارات الخفوق المقيمه ماتقيم

و إكتسابي بالشعر ما يغلبني سدى
لين أتسموا على الهجس واعدّه لقيم

والممله والرديفه على جال وحدى
إتوجودبي واشيد الكلام المستقيم

ماكأني سجوع للوزن فرّاط الشدى
إلا كأني مماثل شواريده تقيم

شطر اتنقّب عليه شطر مابيه وبدى
ماتصنّع في قوافيه عبرات السقيم

ياجدايه لاستوجدت ياوجد الجدى
ياشعور الغبن لاإبتلا شخصٍ عقيم

المدى ما اتوقع انه بعيد وله مدى
اعتزال المنعزل ماهو بمقام النقيم

والبـلى انّانحسب الفدى مثل الردى
أو نحسب العجبه إلّا بآيات الرقيم

أو نعدد بعضنا لين نختار الفدى
وأنتميّز بعضنا ذاك عابر أو مقيم

والخبر إلا قبيله وجود المبتدى
والقيام بجلسته ينتقض ماهو مقيم

والوصل بالقطع نقضه ونقضه بالعدى
والفريق انصحلي كان سميته طقيم

ولا نفرّقهم فرق ولا نحيّدهم حدى
ولانبدّل طقمنا لو لعبنا الف قيم

كلها تنديد هاجوس أو ردت صدى
واعتبارات الخفوق المقيمه ماتقيم



#محمود_الميهوبي