فشلة بس عدت سلامات

<div align="center">كنا في الكلية .... ما فيه سكن ولا فيه مطعم ....

وش الحيلة ... السكن قدرنا نحصل على بيت شعبي مبني يوم عبدالعزيز فتح الرياض ... ما عليه صاحب البيت يحلف انه مبني من طوب احمر ( طوب احمر من وقت الملك عبدالعزيز ) .... ماني مصدقة بس الرجال حلف وش نسوي وبعدين لازم ندعم التراث في مملكتنا الحبيبة ونسكن في بيوت تراثية ...

بالنسبة للمطعم ... بما اننا طلاب وجميع الكليات عندهم مطعم الا حنا ... معناته لازم نستفيد من المطاعم مثلنا مثل اي طالب سعودي ينتمي لهذا الوطن المعطاء :P ( ايه لا يكثر هرجك )

قررنا نتعشى ونتغدى بمطعم جامعة الملك سعود ... محد داري يحسبونا من طلاب الكلية ...

مشت عليهم الحيلة .. ومن حسن حظهم اني انا ومن معي حريصين على الاكل في المطعم ( جميع الوجبات ) طبعاً من حسن حظهم انهم يتباركون بطلتي البهية كل يوم .. <=== هذا اللي ماخذ مقلب بحاله

مشى الحال سنة وسنتين ... وفي مرة من المرات جيت للمطعم متأخر وقال لي ( المعلم المصري ) العشاء خلص معليش ...

طبعاً جن جنوني ... وين اصرفها معلش هذي ؟؟؟ وكيف اقدر انام الليلة وانا مفلس ما معي الا ريالين حق الوجبة ..

قلت وين مديركم السعودي ... المهم مع الصجة واللجه جاء المدير ... وعرف باللي حصل ...
اعتذر وانا ما قبلت اعتذاره ..(( قوي انا )) قلت تدبرون لي عشااا لو من برجر كنج والا هرفي .. حستهم حوس وكرهوا اليوم اللي اشتغلوا فيه بذا المطعم ...

المهم دبرولي عشاااء فاخر اكثر واحسن من كل يوم ... اكلت العشااااء وما قدرت اقولهم شكراً وانا طالع ... انتخمت ..

كل هذا وانا مو من طلاب الكلية ... يعني لو عرفوا اني مو من طلاب الكلية ... معقولة يفرموني والا يعلقوني على باب المطعم عبرة لزملائى خخخخخخ

الشيء الحلو بالسالفة انه في ثاني يوم ... وانا في الكلية وجالس على الكرسي منسجم مع الدكتور .... فاتح ( شدقي ) قمة الاستيعاب ... واذا بطارق يطرق الباب ... قلب فصحى

قال الدكتور اتفضل ... تدرون مين اللي طرق الباب ؟؟؟

ما تصدقون ... وربي طلع مدير المطعم اللي اعتذر مني البارح جاي يسأل عن اخوه معانا في القاعة ...
بس من سوء حظي انا اللي كنت عند الباب ... وجهي بوجهه ... وجهي قلب مية لون .... وهو قلب مية لون ... بس الفرق واضح انا من الفشلة وهو من القهر

.... انتهى الموقف على كذا ... وما اخفيكم اني كنت خايف لا يكون جالس لي على باب القاعة يبي يلعن سلسفيل اهلي ... ههههههههه وربي معذور ...

بس كنت ناوي اقوله مو انا هذا تشابه اسماء ...<<<==== الله يالذكي هو شاف خشتك ما شاف اسمك

ومن يومها .... انتهت علاقتي بالكبسات الرهيبة... وصرت ما اقرب من الشارع اللي فيه المطعم بتاتاً البته ... والحمدلله تخرجت بعدها بشهر ... وعدت سلامات ....</div>

هههههههههههههه

اشوى ان الموقف عدى على خير و لا كان ما فيه الان واحد اسمه السيل معنا في المنتدى


اخوي السيل ...

كثر لنا من هالمواقف خاصة مواقف العزابية و حياة العزوبية .

هلا بموسى اسفرت وانورت وبطلتك ازهرت اجمل باقات الزهور وتعطرت ... <<== حشا والله شاعر على غفلة

وش نسوي من له حيلة فليحتال ... خصوصا ان اهلنا ما دلعونا ... يعني عايشين على راتب الكلية كله السكن والاكل .... مجبورين ....

اقول يا شين العزابية ... احسن انها مرحلة سوداء في حياتي .... اتذكرها لونها ابيض واسود مثل الافلام القديمة .... طبعاً سوداء بسبب الفلس وقل الدبرة ...

ما ابي اكثر حكي الموضوع فوق يا شباب ويا صبايا <<== لبناني بس شكله يمني

<span style='color:green'><div align="center">السيل

متميز ... أنتظر جديدك بفارغ الصبر .. عطر المنتدى أنت ياااااااااااا السيل ،،،

بس ليش ما خاويت أخو المسؤول عن المطعم ؟ تضبط العلاقة"" يعني مصلحجي

شكرا قصتك تحمل معاناة طلاب الجامعات الله يعينهم ،،،

أخوك / أبوعبدالرحمن ،،، </div></span>

هلا ابو عبدالرحمن ...

وجودك في الصفحة هو العطر كله ...

تبيني اضبط العلاقة مع اخو مدير المطعم ؟؟؟ ههههههههههههه اصلا لو دريت ان اخوه معانا كان سويت عزايم وجبت جيراني معي للمطعم ...

والله من جد معاناه .... خصوصا هذاك الوقت كان العزابية في وضع ( مجرمين ) في نظر الناس وانواع الاستغلال من اصحاب الشقق اذا عرفوا انك عزابي رفعوا السعر ... هذا اذا لقيت اصلا شقة ... حتى اذكر واحد قال لي ( صاحب مكتب عقار ) وهو يشرب الشاهي ومبسوط ... روح تزوج وبعدين دور شقة ... ماهو حاس فينا قاعد يستظرف ويستخف دمه ... قلت له خلاص زوجني بنتك وش رايك ... قالم يلخبط بالكلام هههههههه

بس يمكن الوضع تغير الآن ... اقول يمكن ...

يالله انتظر مشاركات البقية ... ترا فيه جوائز عن احسن رد

<div align="center">
السلام عليكم ورحمة الله وبركاته ... وبعد

الــــســـــيــــــل


.. هـاهـو قـلـمـك يـسـيـل عـلـيـنـا بـعـذبـه وشهد مذاقه وروعة خطه..

أخــي الغالي .. ما أجمل تلك الأقلام التي تتنفس بيدي المبدعين ..


الــــســـــيــــــل


أما حيله على كيفك يعني محد يكفشك ..

بس أنا معجب بحركتك بالمعلم المصري :P خشيت بعينه ..


بس الحاجه اللي نفسي حضرتها .. يوم خش مدير المطعم عليك ونت بالقاعه ..

وتمنيت أنه صار وقتها فــــلــــم هـــنــــدي ..



يعني الوضع .. وقتها راح يصير هيصه وزمبليطه >>> ( يعني راح مصارعه حره )


الـــســــــيــــل .. لك تقديري وأحترامي





فــــتــــى بــــــلــــي
</div>