ياشينها لاصار خصمك ابناخيك

ياشينها لاصار خصمك أبناخيك= عرد وغشيم وصادفت مع بعضها
بابه على بابك ودائم يشانيك =ولياء نصحته له نصيحه رفضها
أدنات حاجه ينتفخ مايحاكيك = والسالفه بين العرب يعترضها
لونك تدارى عنه مالك مساليك = أهل المرض مرث عليها مرضها
لجله ماتدري وش يصيبك ويخطيك =وجميع عله في ظميرك نقضها
وسط المجالس بس ياخذ ويعطيك= والكلمه الشينه لسانه حفضها
لونه بكيفه من مكانه يدربيك = وعليك بيبان المذله نفضها
ولونه بكيفه بس بالنار يشويك = وبراطمه من حر مابه قرضها
ومن الزعل وده يشدك ويرخيك =والارض من فوقك قلبها ونهضها
هذا الزمن يالعبد مكثر بلاويك = لاشك دور في حياتك عوضها
أنص الكريم اللي ترى مايخليك = وأد الفروض اللي علينا فرضها
واعرف ترى الايام تضحك وتبكيك = وعلى البشر لابد تلقي أغلضها
ولابدها عقب المهابه توريك = الياء قضت منك الجحوده غرضها

بارك الله فيك وصح لسانك وعزلها أنها قصيده في محلها يأبو عاطف

أخي / عبدالكريم الصويدر
صح لسانك ابو عاطف
هذه حقيقه صغتها طال عمرك
بحروف من ذهب
تقبل كل التقدير والحب
ودمت بخير وعافيه

شاعرنا/ عبد الكريم الصويدر

اللـة يعافيك وكثر من امثالك
حقيقـة قصيدة تحمل الكثير مـن المعاني
و معبرة عن الواقـع
ذكرتني ببيت من قصيدة لي
غير صالحـة للنشر
ياشينها لاجتك من بعض الادنيـن == يفضحـك بين الناس أو تبتلشـبـة

لك ودي واحترامـي

مقبول البلوي

الشاعر/ عبد الكريم الصودر

صح لسانك ولا هنت ,,

هنا تكمن الروعه والابداع ,,

نزف راقي ,,

جزاله ,,

رائع إلا حد النخاع ,,

محبتي واحترامي ,,

ولا تنسى ,, اسعد بنتظار المزيد

زاد الشقى

شا عرنا الجزل

ابا عااااااااااطف

قصيده ولا اروع

تحمل من المعاني الشئ الكثير

تقبل اعجابي بهذه الفاتنه

تحياااتي لك


محمد الرموثي,,