إحساس الهوى

أصبحـكم بمـآي الورد وطيبـة شـذآگم ، ..


/







لا . .. تطفي النور قالت بوقد الشمعه
............... .. أخاف تطفيه قالت واحرق أيديني



قلت: أن حصل لطفي النيران بالدمعه
............... .. تنزل علي شانك الدمعات من عيني




قالت: و إذا ماحصل واحلوت الجمعه
............... .. قلت: أستحي منك ثم أقول ضميني




قالت: أفا من بداية حبنا طمعه
............... .. قلت: أمزح أمزح ، سواليفك تكفيني





أنا لو الليل يرخي لي كذا سمعه
............... .. يسمع وش أقول لا قلتي تحبيني




أجزم يجيه النهار ويشتهي رمعه
............... .. وش ذنبه الليل ماوده يخليني




قالت: حبيبي وشوف بعينها لمعه
............... .. أدري ترا فيك و إحساس الهوى فيني




هليت ( عبره ) وراحت تطفي الشمعه
............... .. وهلت هي دموعها واحترقت أيديني







،،

مرضي العثماني


صح إلسانك



مرضي بكل حالاتك



محبتي لك


سلطان القنيدي

شكراً لـ حضورك المشرق

مرضي العثماني
........
صباحك ابداع
........
اعجبتني الفكره في بداية القصيده
لاتطفي النور .. قالت بطفي الشمعه ..
أخاف تطفيه ..قالت واحرق يديني ...
............
يمكن ماحبيت تكرار لفظة (قالت ) بالشطر الثاني
لاكن الفكره روووووووعه وتميز ..
وهذا يدل على فكر راقي للشاعر ...
..........
قلت: أن حصل لطفي النيران بالدمعه
تنزل علي شانك الدمعات من عيني ..
.....
الشطر الآول قمه بالابداع
ويمكن عدم تكرار نفس الفكره بالشطر الثاني
كان أفضل مع ان الشاعر يقصد التأكيد أكثر
.......
قالت: أفا من بداية حبنا طمعه
قلت: أمزح أمزح ، سواليفك تكفيني
.............
الله عليك مرضي قمه بالابداع هذا البيت بصراحه
...........................

بشكل عام فكره رائعه جداً
من شاعر رائع وراقي جداً
..........
لك مني الف تحيه وتقدير
...................

ارضيت القارئ يامرضي بهذه الجميلة

الشاعر


المختلف في ذوقه وفكره مرض العثماني


نص لايختلف عليه أثنين نص راااقي ومميز لافض فوك ياابو عبدالله



محبتي