قصيده وطنيه للشاعر /فهيد صالح سليمان البلوي

يادارنا يادار يادار يادار
يادار حدك كل طامع يهابه
بحماية الله ثم وافين الاشبار
اخوان نوره كنها أسود غابه
حنا سعوديين لاصار ماصار
نحمي وطن الرب طهر ترابه
النخلة والسيفين تعرف لنا شعار
راية أهل التوحيد مالها مشابه
حنا سعوديين بياعة اعمار
دون الوطن والدين ماهي غرابه
بالأرض دبابة وبالجو طيار
علماً ثبات وكل واحد حكابه
صوب الهدف ماعندنا يمين ويسار
ندق رأس اللي قليله آدابه
شوف القذايف بالهدف تشعل النار
راجاً عليه مدققات الاصابه
اللي يشوف السرب ينّدس بالغار
الخاين المنبوذ هارن أعصابه
وياسيدي سلمان يانسل الأحرار
شعبك بجنبك بالظروف الصعابه
الشعب مخلص وانت يالوالد البار
خيرك عليهم مثل وبل السحابه

الشاعر /فهيد صالح سليمان البلوي
عضو الرابطه العربيه للثقافه للفكر والأدب

صح لسانك يافهيد صالح البلوي على هذه القصيدة الوطنية الرائعه

صح لسانك وبيض الله وجهك يابو مشاري قصيده رائعه جدا

محمد سليمان البلوي والفالح بيض الله وجيهكم على التفاعل مع القصيده الوطنيه لان الوطن حقه على الجميع لكم احترامي وتقديري ولَكل من يرد على القصيده لاحقاً

اهلا بشاعرنا القدير فهيد الحمري عضو الرابطة العربية للثقافة وللفكر والادب

صح لسانك ويستاهل الوطن هـالقصيده من شاعر مميز مثلك

فلك خالص ودي وتقديري

اخي سعود السحيمي لك مني جزيل الشكر والتقدير على الرد الذي اعتبره وسام شرف وتاج فخر لي انت وإلا خَوَّان الكرام في منتدى بلي الرسمي والمشاركات الوطنيه واجب وطني علينا نحو وطنا الغالي وقيادته الحكيمه ودام عزك ياوطن والى الامام