.... كـُـــؤوس الطـِــــلا ....

كؤوس / جمع كأس ,,
الطِلا / على حسب المزاج أو مقدار التعب ,,






؛

عفت القصيد ..وعفت حبره وطاريه=ماعاد بي حيل اضرب القاف بالقاف
جاريت .. ماحولي مجاري واجاريه=باريت ( طيفي بس ..!) من بين الاطياف
ماهو تنرجس .. (لا) .. ولاقُبح اواريه =يمكن ملل .. لنّي شعرت بتأفَّاف
فوق السحاب الطير هذي محاريه =ماله بالارض الاَّ مخالب عشا ضعاف
من يسلم بقلبه ويترك حواريه=مايرتكب عشق ويحسول به اطراف
مثل الوحش .. يااامسعده في برارية=حرَ النظر لاعاف في نظرته .. عاف

.

ملّ قلبي والقلم ملَّ الكتابة والرسوم=صار مابالعين (نون) وصار ماللكحل (ميم)
والورق طار وبناتي كل بنت تموت يوم=والقصيد ان ما انكتب > دمعي على خدِي عظيم
العزا طوَّل وانا مالي على الحسرة عزوم= واجمل الذكرى تعلَّ القلب وتثير الصميم
كل ليل آهيم وجد / وكل صبح اجتر لوم=وكل ماجرّيت لوم اندم على ليلي واهيم

.

البارحة والعين يسهر بها ( لَوع )=والقلب ينهش في معاليقي ( لياع )
عيَّيت اسرِّج رايض القاف لايثوع=من خوف غمضة بين الاجفان تنثاع
والحمد لله نامت العين بخشوع=واصبحت امغّطها على شعاع وشعاع
الله يابو عايش ولايذلَّنا جوع=شفت الثلاث اللي على جالي جياع؟
أخيرهم فالطبع مرهف ودلُّوع=اليا احتمى الميقاف يهتلَّ الادماع

.

شفني هنا . . !
إسأل عيوني من متى وآنا هنا . . !
اللي حلم بك ماينام ومايطيب من السهر . .

خذ لك نظر . . !
خذ لك نظر واكتب على عيني سَنَاءاً وآ سَنَا . .
لو لمحة تفجَّ الظلام اللي وَلَجْني واستقرّ . .

ياطيبتي لو فيك لاموني الناس=مِنِّي عليَّ الطيب ماهو خسارة

.