صحوة مشاعر

الملف الشخصي · 02-03-2009, 06:52 PM

.

.

يا مبديّه ما يشعل الشوق لمّيه=لميّه ؟.. ولاّ أقول .. خليه بادي..
يمكن يشوفه غيري ويعتني فيه=وأكيد ما كنت آخر إنسان غادي..!
ارجع وأقول إن الحلا اللي تبديه ..؟=صار أجمل ألوانه بعيني رمادي
وش قيمته..؟ وأنتي لغيري كشفتيه .. =وش قيمتي ..؟ لا من قبلت التمادي..
نفسي مطوعها وعزي مداريه=وآنا بياضي يختلف عن سوادي
وقت الوفا شفتي ودادي وعشتيه=بس استغليتي وفاي وودادي
لأجلك تواضعت وشموخي جرحتيه=يومك تحسبيني وراك انقيادي
أخطاك نيشان العشم والمشاريه..=تموج عنك .. وتستقر المبادي
كلن مفاهيمه تفسر معانيه=يوم اعتقادك بان ..هذا اعتقادي
أنا الكريم اللي تحكمه مباديه=وأنتي تحت حكم الهوى والأيادي
اللي يعرف الحق والحق يرضيه..؟=يكون في حضرة ميوله حيادي
واللي يراقب ليل غيره ويسريه..؟=عن مصلحة نفسه ما يحْداه حادي
حلمك من خيوط الخيانه نسجتيه=على أمل قول .. آمري يا مرادي
يمكن تقولي سم وآمر ولبيه=وأقولها لك كل ما صرت هادي
هذا أول المشوار .. ويجيك تاليه=بس اسمعي من بعد شكي.. وكادي
إن كان قلبي زل يمك بماضيه=ترى غرامك كان كبوة جوادي
تهون للعز اعتبارات ووجيه=وأنتي وحبك لو تهونون .. عادي
شموخي أغلا من غرامك وأمانيه=واهم من شفي وشربي وزادي
أعلى من الشم الرواسي رواسيه=وأقسى من المظلوم يوم التنادي
صحوة مشاعر قلبي اللي فتنتيه=استكثرت ليني ,, وصحّت عنادي
واستشعر الإحساس من رحلة التيه=انه بوادي والحقايق بوادي
مفهومه من أول ما تحتاج تنبيه=صوت الصدى ردد صياح المنادي ..!

تحياتي

الملف الشخصي · 02-03-2009, 07:30 PM

الشاعر/ محمد القويعاني

صح السانك مليون

تقبل اعجابي

تحيتي لك

الملف الشخصي · 02-03-2009, 08:07 PM

عذوبه

نقـاء

رقـه

مرجله

هـدوء

كلها جمعهتا هذه التـ ح ـفه

أبيـات أقصد درر في غاية الروعه وغاية الشموخ

أبيـات ورب مـ ح ـمد أروتني شعرا

ألف ألف ألف صح لسـانك

كـ ع ـادتك راقي بطرحك وقصائدك وفريد بعزفك

سـ ج ـل إعجابي بكل فـ خ ـر

لك خالص ودي وتقديري أيها النقي

الملف الشخصي · 02-04-2009, 12:19 AM

اخي الشاعر العذب /محمد عوده

تحية شامخة على شموخ هذا النص الوافي

لااستطيع ان احذف بيت من القصيدة

فكل بيت مرتبط بغيره ويزيدالقصيده جمال

دام فكرك يابو عوده وتقبل اعجابي