قصيدة / من عافنا عفناه لو كان غالي ..!!


دايـم تـجـرّعـنـى الـمـرارة مـن الـكــــاس
واقـول مـن شـانـك تـرى الـكـاس حـالــي

دايـم تـقـهـويـنـي وانـا اكـيّـف الــــــراس
مــا ارد فـنـجـالـك لـو الـمـر صــالــــــــي

أشــرب وانــا اقــولــك يــاخــل لا بــــاس
ســوق بـيـمـيـنـك لـي صــفــر الــدلالـــي

مــا دام انــا بالـخـيـر عـايـش مع الـنـاس
أدعـي لـكـم بـالـخـيـر والـطــيــب حــالـي

مـدري عـلام الـخـل يـاطـى عـلى احساس
إحــســاس خــلــه بــالــقــدم مــا يــبــالي

اســمــع مــثــل قــالــوه والــعـرق دسـّـاس
والـخـبـر خـبـري مــابـنـا عــرق بــالــــي

انـومـس بـشـعـري بـالاشـواق نـومــــاس
وأكـتـم بـغـيـظـي داخــل الـصـدر ســالـــي

وأجـلـس اقـلّـب وســط الافـكــار هـوجاس
وشــهــو مـغـيـّـر خــلــي الــيــوم تــالـــي

اكــتــم بــصــدري لـو بـقـى فـيـه وسواس
والــكــل ظــن إنــي مــن الــهــم خــالــــي

وألا الـهـمـوم بـصـدري اشـكـال واجـناس
مــن صــغــر سـنّـي أصــبـح الــهــم فـالي

سـايـق لـهـم بـالـطـيـب مـن دون مـقـياس
وردّ الــجـــمــايــل ســـم أجـــرع زلالــــي

مـن مـنـطـلـق لـيـتـك تـجـي لحظة اعماس
وأشــوف مـنـك الــهــم زايــل وخـــالـــــي

وألا تــدق الــيــوم لـــي دق الأجــــــــراس
بــس الــحــقــيــقــة مــالــنــا مــن مـجـالي

أحــفــظ مــثــل لايــق ومــقــيـوس بـقياس
مــن عــافــنــا عــفــنــاه لــو كــان غـالــي
**منقول لعيون غالي*****