لكل فعل ردة فعل .

نلوم الزمان ونظرب أمثال في هداج = وزوايا الحياه بنظرة الناس منفرجه
وأنا لو ماعرفك زين وسوس بي الهراج = لو الظن فيكم ماوصل مستوى هرجه
وصوت الملامه لو عرف مصدر الإزعاج = ماجتك الحروف وعودت عنك منحرجه
ولو للمعاني عن معاناتنا مخراج = رمينا القصائد مثل مانرمي الحرجه

عايد السميري

الابيات السابقه قمت بارسالهن برسالة جوال لبعض الشعراء وابتديت بشاعر تميز بجزالة الشعر وقوة المعنى وتمرير مثل هذه الابيات (الاستفزازيه)
وهو شاعرنا الكبير شاعر الحكمه / عبدالله مناحي منقره ..
وكان رده باقل من نصف ساعه

وبعدها وصلتني ردود بعض الشعراء واتصالات بعضهم
وامتناع البعض عن الرد
وتسائلات كثيييييييييره .
الوكاد اليكم بعض الردود كما وصلتني وبترتيبها حسب
وصولها لصندوق الوارد

( 1 )الشاعر / عبدالله مناحي منقره

انا أقوى من الايام واقوى من الاحراج = واعرف القصيد اللي يعبر عن الخلجه
ومادامك تعرف إني لا مايل ولا منعاج = وش اللي حداك تروح وتطير باللعجه
وصوت الملامه سكته وانت مايحتاج = تعرف إن راع الحق يحتاج للحجه
ومدام القصيد اليا تضايقت فيه افراج = فداك القصيد إن كان تسلم من اللجه

..........................................

( 2 )الشاعر / عبدالله الرويلي

الا يالشمالي كل واحد وله منهاج = لا تاخذك غفوة عين واللي خلقك إرجه
ترى لوماعرفك زين جيتك عذر واحراج = لكن الوفاء من بيننا عالي (ن) برجه
وإذا للملامه كاتب ومخرج ومنتاج = مفبرك : ويبقى السر ما أحدٍ فتح درجه
وقبل ترمي الجزله ترى الوضع مايحتاج = نشيل الهموم وعزمنا يقطع الفرجه

..........................................

( 3 )الشاعر / سلطان السميري

هلا مرحبا باللي علومه لها منهاج = وبالطيب دايم حافظ شداده وسرجه
وهذا الزمن للهرج مخرج اومنتاج = وكل(ن) نصيبه ياشلى مالين درجه
ولن كان فيه اعتاب عاتب بدون احراج = ومهما حصل يبقى النجم فوق في برجه
ولا تحكم وتضلم كما يوسف الحجاج = وترى مشيتي يامسندي مابها عرجه

..........................................

( 4 ) الشاعر المهندس / سلمان الشنوطي .

بعد عن راع الضلّع وناحر المدراج = ومال الشداد وبان ماكان في خرجه
كلام العذول اهمله في مهمل الادراج = يموت الورق لنه قضى عام في درجه
وترى إن الزبيب اصله عنب قوت للمحتاج = خذاه الغني وامسى على الغي من زرجه
تنابح كلاب وقافلتنا تجوب افجاج = واليا زادت الشدات قرب الفرج وارجه

..........................................

( 5 ) الشاعر / عبدالرحمن إبن شذيان الجذلي

هلا يامرحبا ترحيب مادور به المخراج = هلا بابيات شعر ٍ جت على الجوال مّدرجه
تعلمنا احترام الذات ذا طبعي ولي منهاج = على درب النقى ممشاي لو طالت بي الفرجه
والا لله در عقول ماوسوس بها الهراج = الا ياكم كلمه في حساب الهرج من مرجه
نقيليه كلام يسد فيهم غلقة المزلاج = تبا العلم الصحيح الهاتف الجوال من برجه
تمنيت الزمان اللي حكم به يوسف الحجاج = عشان أهل النقيلي ماتحرا تطلع الهرجه

.

صوت و أصداء تروي المتعطش ورب محمد



أطيب المُـنـى ،،

صوت قوي وأصداء قويه



وأنت للأمانه يا ابو زياد جزل في معناك وبعيد في مرماك



شاعر لك حضور يحرك الساكن ويسكن المتحرك



صح لسانك أنت وجميع من شاركوا هنا


تحياتي لك وتقديري

الشاعر عايد السميري

صح لسانك ولاهنت

وصح لسان الشاعر المشاركين معك

لك ودي

صوت و أصداء تروي المتعطش ورب محمد



أطيب المُـنـى ،،

سلمان العرادي


دائماً مروركــ هو الاول ويبقى الاجمل شكراً لكــ