زنـاد الشــعر ( مانــع بن شــلحــاط ) في ضيافتنا .. مــرحبا الف

هـي دعــوة لـ مصافحة أقمار سماء شعرية

ممطــرة بــكل ماهو جمــيل




ضيــفنا الــشاعر ..

اتانا من ابعد البــعيد واقــرب القــريب يخرج بقصائده

الجميلة من جنبات ارواح القراء

يترك لنا دهشــة واعجـــــاب على طــاولة شعـرنا ..

ويمضي تاركا الجميع غارقــا بالتــساؤلات الجــميلة ..



ضيــفنا الشـــاعر ..

اتانا حاملا بجعــبته حروف صادقة
كــ صـدق دمــوع الأطــفال ..
جمــيلة ومبهــــجة ..
كــقطرات الأمـطار ..
ومبتسمة كــالندى على بتلات الزهر ..




حرف يرتكب الجمال مع سبق النظم والشعور والتفكر ..
ونجمة ( عجميه ) تسطع بسماوات قبائل الشعر والادب ..



ولأن النـــجم يعـــرف من ضـــيائه ..
فساورد لكم بعضــا من هذا الضـياء ..








زنـــاد الــشــعـر


يازناد الشعر والصوان ياراس الفتيله

يا صعاطير القصيد اللي توردنا الجهاله

شاعر واخطي الينا غنيت وامثل قبيله

واشرب الفنجال الاول زود والت البياله

ما احشم رابح صقر واتوق لأصحاب الفضيله

لين ابا حولي عوض دوخي وعبدالله فضاله

مرحبا يا محمد بن الذيب في ظهر الاصيله

واتعذر من بشوت القوم واصحاب الجلاله

الادب يحشم وانا صبح الادب واطراف ليله

وشاعر ماله اقامه شعر اضمه بالكفاله



ان بغيتوا تفلحون



يا عرب والله مابه دون معنى الهون هون


لا رضيتوا بالمذله ما على الدنيا طراه

افزعوا يا ربكم لا من فزعتوا تسلمون

من عذاب الله دام انه وضع طوق النجاه

ليتكم في كل ليله تركعون وتسجدون

وتطلبون اللي يجيب الداعي ليا من دعاه

الكريم الواحد الفرد الصمد .. لو تذكرون؟

وش يقول ( المصطفى ) في اللي تفلّس في الحياه

ماله الا النار تاكل كل شكل وكل لون

افزعوا يا مسلمين الله .. ترى ما به سواه

وش لقيتوا من زمنكم غير تجديد الديون

فقر دين وفقر فالدنيا ولا شفتوا غناه

وكل بلدان العرب تنهب تحت مرأى العيون

وان سمعتوا شي يذكر راح من عنده وراه

والجماعه كل ابوهم ينظرون ويسمعون

بس ما في اليد حيله وش يفيد الانتباه

غير لا منا رجعنا للحقيقه وش تكون

مابه الا الدين يدعيكم وبذيتوا خفاه

كل ليه .. تسهرون وتبسطون وتلعبون

بنت هاس وبنت ديمن .. دق عود .. وما سواه

والرجل زيّن حياته .. فيه مال وبه بنون

بس طاري الباقيات الصالحات أصلاً نساه؟؟

وش نقول و وش نخلي .. ياعرب لو تفهون

الحياه تمر وبسرعه .. وتاليها الفناه

ان بغيتوا .. تَصلحون وتِصلحون وتِفلحون

اتركوا كل السوااالف ... و (( الله الله في الصلاه ))








زهرة العمر



في جبل قسيون رغم ارتفاعه والبراد


ما سليت اللي تربع بـ.. قلبي ما سليت

هب لي من يمها ريح واخطيت الرشاد

اتعزز وادفر الحزن لكن ما قويت

من طرفها رحت كلي حشاد في حشاد

كل لا منها طرت لي... تنهتّ وبكيت

يا وجوي بالتوجاد من حزني وجاد

وجد من يحسب مع العالم الحيين ميت

انتشر فيه السرطان في دمه وزاد

ما بقى له شي ممكن ولا تنفعه ليت

مثل وجده وجد حالي على ذيك البلاد

لو مالي به جماعة ولا لي فيه بيت

مير قلبي له من ساكنه ملح وزاد

ما نسيت اللي مضالي معاها ما نسيت

عشت معها زهرة العمر فأيام العياد

ارتوت نبع الغلا العذب مني وارتويت

ويش خانت زرعنا اللي تقفاه الحصاد

اشهد ان حزبي تمكن بروحي واستويت

هًل يا دمع الغلا.. هًل في يوم الحداد

و... ون يا قلبي ولا هوب سين ولا اعليت

والله انه اقداك ما جاك مع صبح وهجاد


لعنبو من زيد طاعك ليا منك انتويت




كل ماتوحين



كان ماتوحين مشروه من يهديك روحه

وش خانت دزة أخطاي من ديره لديره

وكان ماتوحين مشروْه من يشكي أجروحه

ويش خانت ونة أحشاي والعين السهيره

وكان ماتوحين مشروه لا من قلة أمزوحه

ويش خانت هجري الدار وافراق العشيره

وكان ماتوحين مشروه منهو غرق السوحه

في بحر حبك تحطم وحاس الله مريره

ودي أزعل واتغلا وأنا نفسي لحوحه

كيف ذا والعقل خاتم على خنصر الأميره

وان بغيت الصد عيني على شوفك شفوحه

سالفة الأمثال في ((العين واليمنا القصيره))

قالها :المخلص بحبه وقافه صار بوحه

كان ماحوله مشاريه ما له معك سيره

قاتنه لوكان مالك بوسط أحشاي دوحه


ما وصل مشروه مانع بشعره وتعبيره






بقي ان اخبركم اعزائي بان ضيفنا الجميل





هو الشـــاعر الكبـــير ( مانـــع بن شلحـــاط )





والــذي نتقــدم له بالشــــكر الجــزيل على اتاحــة
هذه الفرصة الثــــــمينة

ليتسنى لنا مصافحة اقمار هذا المــساء الشــعرية
بعد ان عانقنا نجومها طويلا


هــــو لكــم جميعا ......

فلتتفـــــضــلوا مشكوريــن بالترحيــب بــه وطرح أسلــئتــكم ..

يالله حي الشـــاعر الكبـــير ( مانـــع بن شلحـــاط )

وتشرفنا في حضورة بيننا وفرصة سعيدة


اشكرك اختي ليال وان شاء الله يكون لقاء مميز واخوي بيننا

الله يحيك

وأشكرك على اتاحة تلك الفرصة الذهبية التي تكاد تكون مستحيلة

لتعرف لشخص مثلك لن اطيل عليك بالأسئلة لكي يتسنى لغيري السؤال

فلقاء الشعر مانع بن شلحاط لايتكرر

______________________


السؤال الاول
لكل شاعر قصيدة في نفسة تكون دائماً قريبة الى قلبة يكررها بكل امسية ماهي اسم القصيدة


السؤال الثاني

شاعر تتمنى ان يكون بجانبك بكل امسية شعرية

السؤال الثالث والاخير

هل تعدد القنوات الشعرية فيها ضرر على شاعر متمكن مثلك حيث اخرجت جيل جديد

الشـــاعر الكبـــير ( مانـــع بن شلحـــاط )

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

أهـــــــــلا ً وسهــــــــلا

في

الشـــاعر الكبـــير ( مانـــع بن شلحـــاط )

اولا .. يسعـدني ان ارحـب في الشآعر القدير والكبير والعلم

الشعـري والجـزل زناد الشعـر ( مآنـع بن شلحآط ) فحيآك الله

بين اخوانك الذين فرحـو بلقآئك بهم في هذا المتصفـح الشعري اللقيـم ..!

سنـختصر عليك الأسئـله لكي نعـطي بقيـة جمهـورك المجآل ..!

الشآعر مآنـــع بن شلحآط ...!

س/ هل دعـيت لأمسيـه شعريه وعند حضـورك امتنعـت عن اقآمتها ولمآذآ ..؟

س / متى يشعـر الشآعر مآنع بأنه غير قآدر على نـظم قصيده ..؟

س/ من هـو الشآعر الذي يشـد انتبآهـك و يستهـويك وتحبـذ ان تسمع له ..؟
س/ قلت في احدى مقآبلاتك على احدى المواقع العنكبوتيه ( انه لا يوجدشاعر
كفـو يستحق ان يجلس بجوارك في امسيه شعريه ) هل لآزلت تقول ذلك ؟

س/ بحكـم انك كنت شاعر محآوره قـديم .. فمآرأيك حآليآ في سآحآت المحآوره

بشكل عآم ومآذآ تعرف عن الشآعر الكبير للمحآوره ( منيف منقره البلوي)..؟

لك تحيآتي واتمنى ان لآأكـون اطلت عليــك ..!

الشاعر الكبير / مانع بن شلحاط العجمي
يسعدني باسمي و باسم أعضاء المنتدى و الجهاز الإداري أن نرحب بك أجمل ترحيب
و يا هلا بك بين إخوانك هنا

و كلنا شوق لهذا اللقاء معك و نستمتع جداً بمحاورتك و التعرف بك عن قرب .

بداية ننتظر من ضيفنا الغالي نبذة مختصرة عن نفسه و البطاقة الشخصية .

ثم يسعدني أن اقرأ إجاباتك على هذه الأسئلة


س - ما هي أول قصيدة كتبتها ؟ و ما مناسبتها ؟ و كم كان عمرك وقتها ؟

س - هل للشاعر مانع مجال في شعر المحاورة ؟ وما رأيك في شعر المحاورة الآن ؟

س - هل هناك قصيدة معينة محببة اليك ؟ و إذا ممكن تذكرها لنا ؟

س - من الشعراء تفضل أن تسمع له في مجال الشعر العام و المحاورة ؟

س - هل لك أن تذكر لنا آخر قصيدة كتبتها ؟
س - نطلب منك قصيدتك التي أرسلتها للشاعر خليل الشبرمي و رده عليك ؟
س - هل لك ديوان شعري مطبوع أو مسموع ؟
س - هل أنت راضي عن ما قدمت حتى الآن للساحة الشعرية ؟
س - هل لك علاقات صداقة مع شعراء بلي ؟
س - هل سبق لك أن إطلعت على منتدى قبيلة بلي الرسمي ؟

و أعتذر عن الإطالة