بدون عنوان

العام ادورج نابي الرجم واطيع =واليوم لابا الرجم ولافيه طاعة
لجن بعال الصوت فوق المفاريع = جالن وراجن والمعاني صناعة
هاض الخفوق ولاشرح للمواضيع = مدام لا مرتاح ولابه نفاعة
اشوف همل" غادياتن مواديع = ولاني محمل بالهمايل وداعة
الهرش عقب الناب مافيه تطبيع = شاب وتشبشب وانحكم في طباعة
اما انت خل الذود تمشي مع الريع = ولا انت ذبه كان عندك طماعة
اخذت من سهر الليالي مواجيع = والليل من يقفاه بالهم لاعة
ياللي دخلت السوق مافيه ترجيع = واللي يسوس الدرب يذهن متاعة
سوق الخساير غير سوق الطماميع = لابه زبون ولاتجيله بضاعة
اثر القرار يصير من غير توقيع = اليا استواء ياس الرجاء وانقطاعة

بقلم الهجان

من ترجم العبرات بعيون الايتام

يقراء جروح(ن) ماتجي بالكتابه

يعرف غرابيل الليالي والايام

من غير شرح ولايعبر صوابه

اترجم حروف المعاني بالاقلام

بين الحروف وبين عمري تشابه

اكابد الدنيا على غيم الاحلام

واروي عطش ياس الرجاء عند بابه

تدرون كيف الهم يكتب بمرسام

تلقوا على قلبي مضاريب نابه

الهم مثل الحبر في يدين رسام

يكتب على لوح القدر ما جرابه

يدراء به اللي يسهر الليل مانام

عينه تهامل والضماير مصابه

بقلم الهجان