قصيدة ياخوي

بسم الله الرحمن الرحيم
السلام عليكم ورحمة من الله وبركاته ...........
أقدم بين يديكم قصيدة للشاعر: عصام بن عبد الله سليم بيحوه البلوي


ياخوي

	ياخوي لاتفتح للحزان مدخال خلك صبور وخل صبرك يقوّيك وياخوي لا ترخي إذا جتك الأهوال ولا تلتفت للخوف مادام يرخيك وياخوي لاتعزف لعبرتك موال لا طاحت الدمعه ترى شرهت(ن) فيك وياخوي لاتعطف على ناس(ن) أنذال قلبه سويد ولون سنه يوريك ولا تنثني ياخوي لحمول(ن) ثقال واطرد دبيب اليأس إن كان يثنيك ويا خوي خاويلك من الناس رجّال يوم الشدايد تنتخي به وينخيك وياخوي لاتزبن على قوم(ن) كسال المّيت بيذبحك والحي يحييك وياخوي لاتنقد على كل الأقوال وترى الذرابه تجعل الناس تغليك وياخوي سرك لا تكته ورى الجال يحتار فيك الخصم لا جا يعاديك ويا خوي لا تنقص ولا تزيد مكيال توفي ضميرك تاجد الكل يوفيك وياخوي لا تجمع من الدين أموال من شان ماتلطم على وجهك ايديك ولا تنجرف ياخوي للقيل والقال خلك ثقيل وخل عقلك يمشيك واحظر يغرك للمظاهر والأشكال زين(ن) ترى للمعدن الزين بوصيك وياخوي لاتشكي ردى الحظ لا مال ولو شفت شيخ القوم جالك ويشكيك وللضيف خلك دايم الدوم مدهال زود الكرم ما بين ربعك يعليك وياخوي إرفق بالعذارى والأطفال من علة(ن) في جوفك الرفق يبريك وياخوي لاتنسى ترا ابوك لا طال عمرك تعرف شلون هو كان ايربيك وأمك ابيك تحطها دوم فالبال وأحرس على رضاها عسى الله يرضيك ولايشغلك ياخوي عن دينك أشغال كم واحد(ن) في موت جدك يعزيك الموت لو جاء ما يهيجن ويختال في سرعته ياخذك والناس تبكيك ويا خوي عهد(ن) فات ينصحك بجمال هذي نصيحه ياعسى الله يهديك

اشكرك اخي الكريم الرحيق على نقل قصيده ارى فيها الكثير من الحكم والشكر موصول للشاعركل عام والجميع بخير وعافيه

قصيدة جميلة وتدل على فهم ووعي من الشاعر اتمنى ان يعرض قصائد اخرى على هذا المنوال ولكم جزيل الشكر

مشاء الله مرا جميله 😍❤️❤️

الله يعطيكم العافيه ..

كلا من الشاعر / عصام البلوي والناقل الرحيق ..

وشكر خاص جدا لنوني البلوي ..

ماشاء الله قصيده كافيه وافيه المعاني ..