من سائل اقلامي...................؟

السلام عليكم

اعزائي حبيت أشاركم بهذه الهشه
وهي من محاولاتي

جانا الورق يامرسل الحرف بالقال =يامن عطاللحـرف زود العزيمـه
يابن الكرام الي علا الطيب مدهال =اهل الوفا والطيب واهل الحشيمـه
مني سلام(ن) لا نهض كل مرسال =واجزم علا ممشاه ياصـل نديمـه
من بعدها نضرب علا كل مـوال =ونطلق جـواد الفكـر للمستهيمـه
والي يبي الزينات للحمـل شيـال =اليا ارتكز لحمولها مـن صميمـه
والنـذل خلـه لا تثمنـه بريـال =اصل(ن) عليه ريال غش وجريمه
وعز الرفيق الي مشى درب نيـال =ذاك الذي ياحمود بعـده ضليمـه
خذاه وقته والسبـب غـدر قتـال =كم واحدن بالغدر فاجـا خصيمـه
هيجت فيني هاجس الشعر خيـال =اليا احتزم للخيل فـوق الزعيمـه
ومن سايل اقلامي ترى الرد بالحال =فوق الفرس ياحمود قدرن وقيمـه
والى القلم ارخ تواريـخ واجيـال =حسب الذي بيديه ينـزح جميمـه
والصبر عز وقيلة بقول الامثـال =الي صبر ياحمود نفسـه كريمـه
عز الكرامه والوفا طيب الافعـال =والباقيـات الصالحـات المديمـه
وهذى جوابي لسهم قـوس ونبـال =وكل(ن) علا مرماه يلقى الغنيمـه
وبختامها صلو عـدد كـل همـال =علا النبي المصطفـى كـل ديمـه

وسلامتكم

مرحبا بكــ يالعطار


وحياكــ الله وبيض الله وجهك على هالقصيده الشامخه


سعدنا بوجودك بيننا


وتقبل مروري وسجل اعجابي


تحياتي


* عايد السميري

ليست هشَّة وأنت صاحبها ياالعطَّار

بل قيِّمة وثمينة
وتحمل الكثير من الشعر

حيَّاك الله وبيَّاك

وصح لسانك كثيرا

احييك يالعطار

واضيف اعجابي مع من اعجبه نصك الراقي

وتقبل تقديري

بسم الله الرحمن الرحيم

أولا حياك الله بين اخوانك

ثانيا: الف صح لسانك وقصيده جزله

برضه انا مثلهم سجل اعجابي

بداية نرحب بك و بحضورك و تواجدك معنا

ثم نشكرك على هذه الرائعة و التي أمتعتنا بقرائتها

بكل شوق ننتظر جديدك أخي الغالي