محاورة قديمه بين السميري والجبرتي يرحمهما الله

الشاعرين الكبيرين محمد بن عطية السميري الجهني ومحمد بن شريّف الجبرتي السلمي . ..
.
.

السميري

الليلـة الملعبـة نبـغـى ندرّجـهـا ليـامـا تـديـر

مثـل البنايـة علـى سيسانـهـا تُبـنـى تراكيبـهـا

الليلـة الملعبـة نبغـى نطبّعـهـا ســواة البعـيـر

مثـل المطيّـة عـن العيـلـة تعدّلـهـا مشاعيبـهـا

الجبرتي

يا مرحبا بالعميل اللـي يسيّـر سَلمـه اللـي يسيـر

والطيّبـة طيّبـة مـا تـاتـي الاّ مــن معازيبـهـا

الليلة الجوهرة بطـن البحـر ميـر البحـر مستديـر

ان كـان مـا جبتهـا كلّـم لنـا رجّــال ويجيبـهـا

السميري

يا مرحبا بالعميل اللـي لفانـا مـن قصـاة الضميـر

ترحيبةٍ مثـل ريـح الـورد والريحـان مـن طيبهـا

ترحيبـةٍ ليّنـة وشْبابهـا مثـل الـسـلاح الشطـيـر

حربـة لِيـا اهـوى بهـا نقّالهـا سـدّد مضاريبـهـا

الجبرتي

الزين لو تنكحل به عين فتّـح عينـه اعمـى بصيـر

والشين يعمـي عيـونٍ فتّحـت والشيـن يعمـي بهـا

السوق مبسـوط للـي يستعـر بريالـه اللـي يسيـر

ولاّ الفلوس الخفيفة مـا يبـي بالسـوق يقضـي بهـا

السميري

يا بن شريّف ترى هالليلة المسـرى طويـل وخطيـر

وسّـع مواطيـك لا ياتـي زللها مــن مراكيبـهـا

اَنته تبا الزود ميـر الـزود تحصيلـه بعيـد وعسيـر

ما كـلّ منهـو غـزا دار العـدا حصّـل مكاسيبهـا

الجبرتي

انا تراني مدير الشعر كـان الشعـر جـا لـه مديـر

راضي بهذا الكـلام الحـرّ ولاّ منـت راضـي بهـا

يا بن عطيـة دخيلـك لا تسيّـر سايـراً مـا يسيـر

! ! ! ! ! ! ! ! ! ! ! ! !

السميري

الاجنبي في ديار القـوم مـا يعلـم ولا هـو بصيـر

تـراك فـي غابـة الديـبـان لا تـاطـا مخاليبـهـا

امّا تصـوّب مـن الساقيـن ولينّـه كسيـراً حسيـر

ولاّ هوى طـاح وليـا نفسـه الشينـة مضحّـي بهـا

الجبرتي

حنّا هجمنا عليكـم باِسـم ربـي واسـم ربـي كبيـر

واللـي معـه قـوّةٍ منكـم بعـد جينـا يلاقـي بهـا

ليا اقبَلَت يـا محمـد بابهـا للنـاس سلـك الحريـر

وان كان قفّت عليكـم مـا قـدرت تـروح وتجيبهـا

السميري

اَنته تدُوْر المشاكل جيـت مـن شِعبـان مكـة مغيـر

ليتـك تعـوّد براسـك دون فـايـدةً تثـنّـي بـهـا

اِتْحَسّب اهـل امّلِـج مرقـوق ولاّ يالجبرتـي فطيـر

أبشـر بسـمّ الكبـود اللـي تَحيّـر فيـه اطابيبـهـا

الجبرتي

حنّـا كسبنـا الفوايـد مـن بلدكـم والقليّـل كثـيـر

واخذت منـك الفلـوس اللـي لهـا مـدّة تزوزيبهـا

ولاّ انت مثل انور السادات والسادات ما هـو بصيـر

والعلة اللي معك ما جبـت لـك قرشـاً يـداوي بهـا

السميري

قالوا لي اجّرت صوتك وانكر الاصوات صوت الحمير

اِلعـب بحكـم الاجـار وتدفـع الاجـرة معازيبـهـا

والله ما بيع صوتـي يالجبرتـي لـي بـرزقٍ حقيـر

رزقي على الله واللـي خالـق الارواح عانـي بهـا

الجبرتي

من يوم هذي علومك يـا محمـد منـت ليّـه خشيـر

آثرْك هذي طبيعة فيك طـول الوقـت ضـاري بهـا

ان كان ما تزرعون البُـر حنّـا مـا نحـب الشعيـر

هـذي مثايـل ضعيفـة والضعيفـة لا تغنـي بـهـا

السميري

المنوخذ يا جماعـة خيـر مـا يسمـع كـلام النذيـر

لا تمهـدون الحفيلـة ليـن يلقاهـا ويقـفـي بـهـا

الحُرّ لاشّرت له يفهـم ويشهـر فـي جناحـه يطيـر

وابرق جناحين مـا يفهمـك مـا تقـدر تقـرّي بهـا

الجبرتي

يامحمد اِلجم حصانك عن حصاني ليـش ينفـر نفيـر

مالـك ومـال العلـوم اللـي تسنّدهـا وتنحـي بهـا

والله لاحوّس مريرك ليـن تسـري حايسـاً بالمريـر

حتى تكـبّ الصـلاه اللـي بـلا سنّـة تصلّـي بهـا

السميري

لقيت عقل الجبرتي يـا جماعـة مثـل حايـة مشيـر

بدون غايـة ليـا هبّـت هبـوب الريـح تومـي بهـا

شكرا لك محاورة جميلة