قصيده النجيدي والشنوطي

بسم الله الرحمن الرحيم

هذه القصيده أسأل الله فيها الشفاء العاجل للشيخ عواد حضري محسن النجيدي البلوي الذي حدث له حادث مروري وهو الآن بالمستشفى في حاله إغماء فنسأل الله الشفاء العاجل له ولجميع المرضى ولاحول ولاقوة إلا بالله العلي القدير

البارحه جاني خبر كدر البال
وحنا على اللي قدر الله راضين

يالله يامنزل تبارك الأنفال
يافارج الكربه وياناصر الدين

يامحيي الميت وياساتر الحال
تشفي لنا عواد ويفوق هالحين

يالله عفوك وأنت للعقد حلال
آمين والله سامع بكلمه آمين

في مجلسه تلقى للاجواد مدهال
ولاهي غريبه عند راع القوانين

وربعه هل الوقفات والدم شلال
واليوم من حمد الولي مستريحين

بقيادة إصقورن على الشعب عقال
ال السعود مهجدين المجانين

وأبوه يوم البدو راحل ونزال
كريم من عرض الرجال الكريمين

عساه للجنه مسرات وظلال
مالا إذن سمعت ولا شافته عين

وابوي وأمي أطلب الله وأسأل
في جنه الفردوس عدل الموازين

يالله حسن الخاتمه يوم الأهوال
تغفر لنا الزلات حينا بعد حين

تمت وصلى الله على محمد وال
عداد برق يشوق راع البعارين

مع تحيات الشاعر
عواد حمدان الشنوطي البلوي
حرر في 1436/6/24

رد على قصيده الشاعر عواد حمدان أبدي بذكر الي كلمه قران يقال
ارسل به محمد خير المرسلين
قافي سري مؤكد مابه احتمال
مشكور نقولها لرجال دايم وافين
صبوا لبو حمدان من زين دلال
فنجال بن خولان ومزين بزعفران
ونعم بك ياراسخن مثل جبال
شعوركم وصل وحنا بكم فخورين
الشنانطه فعلهم بكل وادي سال
وفاء مرجله شجاعه للضيف مكرمين
يالله يمغير أيوب من حال فحال
انك تشفي ابومحمد رضى الوالدين
هذا وصلوا علي خير الأجيال
محمد الهادي الى الطريق المبين


محمد سليمان دخيل الله النجيدي
29/6/1436

صحت الالسنه والقلوب والله يشفيه ويقومه بالسلامه

صح بدنك ثاقب النظره والله يجزاك خير

صح لسان من قال
والله يشفي الشيخ عواد ويقومه بالسﻻمة

للرفع مع التحيه لشعارنا المبدعين

صحت الالسنه والقوب مساجله قمة الابداع