اغلاك قلبي من غلا الغالي اغلاك

السلام عليكم ورحمة الله وبركاته

يطيب لي ان اطرح هذه المتواضعه


وهي ليس إلا كلمات وجدانيه قد تدور في خلد اي انسان

باكتبك يـا همـي بـالأوراق وأقـراك=وإذا قريتـك ودي أحـاول امسـحْـك
وان ما مسحتـك ودي أحـاول أنسـاك=وان ما نسيتك ودي اجلـس وصارحـك
اشرح لك أوضاعـي وأبيّـن خطايـاك=وانا ترى يـا هـم مـا ودي أجرحـك
لكن تعبت أجاملـك واطلـب رضـاك=وتعبت المح لـك وافهمـك وانصحـك
ومـا فــاد لا هــذا ولا ذا ولا ذاك=مدري ورى شقاك لي وش مصالحـك؟
كل ما مشيـت بـدرب قدامـي ألقـاك=وكل ما ضحكت مجامله.. فيني المحك!
حتى نهـار العيـد ياهـم وش جـاك؟=فضحـت سـر أحزانـي الله يفضحـك
نوخت فـي واحـة خفوقـي مطايـاك=ورسمت في تكوين وجهـي ملامحـك
عزلتنـي عـن بهجـة العيـد ويّــاك=وسويت لي حفلـه وبالقلـب مسرحـك
مـا أعايـد إلا هـم مثلـك وشـرواك=ولا اصافح ايّا هم .. غير أنت أصافحك!
واقـول لـك مبـروك عيـدك فقدنـاك=وآنت بخفوقي ..بس ماغيـر أمازحـك!
الصدق انا أعـزك واقـدرك وأهـواك=واحقد على باقـي همومـي وأسامحـك
ماهـي محبـه لـك محبـه لمعـنـاك=تقديـر للغـالـي ولا ودي أشـرحـك
أغلاك قلبي من غـلا الغالـي أغـلاك=هذا هـو اللـي زاد قـدرك ورجحـك
وان شفتني يا هم بحضورك أشناك=ما شفتني وشلون بغيابك امدحك
لا يمكن املّك مـع الوقـت واجفـاك=عـذب وسـو بقلبـي اللـي يريّـحْـك
القلـب قلـبـك والحنـايـا حنـايـاك=وانـا علـى كـل المشاعـر مرشحـك
ماعاد باقـي فينـي إلا أنـت وابغـاك=تجي مكان الفرح والأنـس والضحـك
من بعد فرقا الغالـي اسـرح بمفـلاك=مافيـه شـيٍ نذخـره عـن مسارحـك
وانا ما غير أكتبـك يـا هـم واقـراك=طول الزمان ومستحيل إنـي أمسحـك!

تحياتي

محمد عوده

حجز


( 1 )

وان شفتني يا هـم بحضـورك أشنـاك
...................................ما شفتنـي وشلـون بغيابـك امدحـك


اعجبني هالبيت جداً ..


محمد عودة القويعاني


صح لسانك وسلم بنانك وصح قلبك ..


ودمت لنا بهذا الشموخ ..

حتى نهـار العيـد ياهـم وش جـاك؟***فضحـت سـر أحزانـي الله يفضحـك

نوخت فـي واحـة خفوقـي مطايـاك***ورسمت في تكوين وجهـي ملامحـك

عزلتنـي عـن بهجـة العيـد ويّــاك***وسويت لي حفلـه وبالقلـب مسرحـك

مـا أعايـد إلا هـم مثلـك وشـرواك***ولا اصافح ايّا هم .. غير أنت أصافحك!


أبيات لا يُـسطرها إلا شـــــاعرٌ متمكن ..


الشاعر / محمد عودة ... أبدعتم في هذه القصيدة الجزلة




لكم جزيل الشكر .

سلمت يا ابن عوده صبر ...

وهالبيت ...


القلـب قلـبـك والحنـايـا حنـايـاك
وانـا علـى كـل المشاعـر مرشحـك

من جد في محله

الشاعر والاخ ,,محمد عوده

انا ماعندي حجز .... اقول بيض الله وجهك على هذه القصيده
الجزله,, ونتقائك للمفردات الرائعه سلمت ...وصح لسانك