ضربـــةحــظ

البيع مهنه

ورى مئاربنا نحث المطايـــا = نحثها درهام واحيــان غاره
والبيع مهنه والمكاسب عطايا = والربح ضربة حظ ماهي شطاره
ابيع واشري والمكاسب هوايا = واحيان ابيع اللي شريت بخساره
مكاسبي بالنفس حســن النوايــا = ومكاسبي بالطيبين التجاره
ودي ولو في بعض زين المزايا =احطها على عيوبي ستـاره
والرجل مرهونا بقول الروايا = اللي يعده بــه خويه وجــاره
يالله ياعالم بغيب الخفايا = اجعل لنا في نية الخير اشاره
اجعل عظيم العفو عند المنايا = واجعل نجاح العبد عند اختباره

وكل عام وانتم بخير

الشاعر الكبير بقلبه وعقله وحكمته
صح السانك تسلم على هالرائعه

شاعر الجزلات عيد بن قيضي


يااااااااااااااااااااهلا بكــ وبشعرك


استاذي واخي / عيد ... تأكد انني دائماً احرص على قراءت قصائدك

( والسبب هو ان إبن قيضي أستاذ وشاعر يستحق المتابعه ومنه نستفيد )


تحياتي

وكل عام وانت بخير

اخي العزيز سعود العقيل

الف هلا ومرحبا بحضورك يالنشمي

ولك الشكر والتقدير

وكل عام وانت بخير

ماهو غريب عليك ياعيد بيض الله وجهك شاعر احرص على متابعه جديده

صح لسانك ..رائع..