ايامكم مع العيد , رمضان سرا !!

السسسلام عليكم

تعرفون ما احب مقدمات وخرابيط اذاعة رابع ( ب)

موضوعنا يا حلوين بعد قهوة وحجات هاذي , عن ليلة العيد وتجهيزات والحوسة اللي فيها

احنا يا الشعب السعودي عندنا عاده غريبه ليش آخر يوم من رمضان اللي نصبح على يوم العيد نآكل من المطاعم
رمضان شكله داق اللطمه وداعس على 240 ، كأنّه امس يوم يطلع هذاك ابو شنب لون شنبه مثل شعر سعود الدوسري يوم يحتسي ويقول ان رمضان يوم غد وهذا البيان من الديوان مهو من عندي ..

الايام تروح وتجي والله يعين ، طبعاً احسن شيء برمضان ان المساجد ماشاء الله مليانه وعساه يدوم مهو علشان رمضان وبعدين اسحب على الصلاة واقعد اطقطق على الجوّال يا عساه بالكسر
>> يا خي ماتحس انّك مثل نوفل ماعندك سالفه

نجي للعشر الآواخر من رمضان واللي هي كلها عباده وتقرّب لله ، الاسواق انطفرت حتّى تمر من عند اي سوق احسّه ودّه يتكلم السوق ويقول تكفى لاتدخل اللي جوّه يكفون
تدخل محل صالتكم اكبر من هالمحل وتلقى فيه واحد وستين نفر واكثر !
ما ادري شلون الحريم متحملات ولا يتطاقون على فستان يوم شفته شبّهت باللي تلبسه باربي
وأكره ماعندي الرجّال اللي يلبس ثوب وشماغ وجزمه وشرّاب وانتم بكرامه وساعة وكبك وقلمين ويحط خمس ميّة ريال بالجيب يعني ناظروني انا هاي هاي
>> وهو متسلّف عشرة ريال من امّه علشان يشحن جوّاله

واكره الحرمه اللي تدور بالسوق وهي تطقطق بهالبلاك ! >> يعني الحين البلاك معك 24 ساعة وانتي داخله سوق تتسوقين مهو تعلمين الناس ان عندك بلاك
بعد ماتقضّي خمس ايام بالسّوق آخر شيء يطلع باللبس شيء خربان ولزوم الخيّاط !
لاعطيت الخياط كل التفاصيل وكذا قالّك بعد العيد يطلع >> يعني الحين وشوله جايبه لك قبل العيد علشان تتصور معاه
وبعد الهواش اللي صار والاحداث قرر انه يطللعه >> بعد البخشيش
أكلنا من أقرب مطعم صلّينا الفجر ، وجاءت اللحظه الحماسية اللي تمغص البطن وتخلّي الاطفال متشققين من الفرحه
أحسن شيء بمصلّى العيد الهدايا اللي تتطاير

نروح نسير على الاقارب وكذا ونجلس ونتقهوى وناخذ حلاوه بقره يآبسه
وكل يسولف واللي يقول تصدق اني مانمت واللي يقول انا نمت ساعه واللي يقول وش بتسوي لارجعت البيت ودايما هذي سواليف يوم العيد
والطراطيع والقلّة أدب والبزارين وصياح ولجه واللي يصيح واللي يبي يعيد على بنت اخوه وحوسة


بس هذا الهذره اللي مسوي فيها زحمه واللي مسكر شارع الخمسين
وكل عام وانتم بخير

هههههه
والله فلسفة حلوة هذاا الشعب السعودي عمره مايتغير
كل عام واتت بخير يالدحمي وينعاد عليك بالخير والصحة

كل عام وانتم بخير
والله ياعبدالرحمن عليك روايه خطيره
شكلك ايام الدراسه مشترك بالنشاطات والكشافه
هههههههههههههههههههههههههههههههههههههههههه
ويامقرن الا الشعب السعودي قول المواطن السعودي
هههههههههههههه
مشكور ابو داحس

هههههه
والله فلسفة حلوة هذاا الشعب السعودي عمره مايتغير
كل عام واتت بخير يالدحمي وينعاد عليك بالخير والصحة

هلا وغلا بـ مقرن

وكل عام وانتا طيب يا الغالي
الشعب ما همني كثر همي في شخص في بالي >>

وعساك من عواده يا بعدهم انت

كل عام وانتم بخير
والله ياعبدالرحمن عليك روايه خطيره
شكلك ايام الدراسه مشترك بالنشاطات والكشافه
هههههههههههههههههههههههههههههههههههههههههه
ويامقرن الا الشعب السعودي قول المواطن السعودي
هههههههههههههه
مشكور ابو داحس

خخخخخ اجل كشافة اي والله كنت فيها وما كملت اسبوع وقالوا تقلع شوف غيرنا

وكل عام وانتا بخير ابو ماهر

اشين شعور عندي في يوم العيد انك تكون واقف قدام بيتكم ويجيك صاروخ يشق ثوبك

والشي الثاني يوم تكون في مجلس ومعيدين على بعض وسوالف يطمر عليكم بزر يروح لي ابوه يقول ابي ولاعه ,,ابوه يناظر فيك ويقول عطه ولاعه خخخخخ

والله العظيم شي يهون غير المفطح على الصبح ههههه شعب منتهي

كل عام وانت ابخر وصحه وعافيه
الله لايحرمنا سوالفك
هههههههههههههههههههههههههههههههه