أمحق من الغالي إليا شانت علومـــه..؟؟

أمحق من الغالي إليا شانت علومـــه..؟؟

قصيدة من النوع الثقيل صدق

يقولون ما للعبد بد عن المقســــــــــــــــــــــــــــوم . .. ... .. . وأنا أقول صح ويقنع العبد مقسومـــــــــه

عسى الله يعين اللي توافد عليه إهمـــــــــــــــــوم . .. ... .. . هموم تخلي طبلة الراس منجومـــــــــــــه

ترى والله انه مايكدر عليك النــــــــــــــــــــــــــوم . .. ... .. . سوى كلمة من بعض الاصحاب مسمومه

إليا جت من الغالين وإلا الرخوم رخـــــــــــــــوم . .. ... .. . ولا أمحق من الغالي إليا شانت علومـــه

ضعاف الروابع تبتلش والقروم تشـــــــــــــــــوم . .. ... .. . ولاهي بلا شيمة ٍ من الشيم مليومــــــــــــه

ولا أزين من القاع الخلى والوجيه سلـــــــــــوم . .. ... .. . ولا رفقة بعد طول الايام ملغومـــــــــــــــه

ولا ألذ من عشرة شريف من أقصى القــــــوم . .. ... .. . يبادلك فعل الطيب معناه وسلومـــــــــــــه

ولا شفت في جو الصداقه غبش وغيــــــــــــوم . .. ... .. . عطيت الدروب اللي مع الارض مرسومـه

ولا مثل عز النفس لو مامعك مطعـــــــــــــــوم . .. ... .. . وعن أهل الشماته خل الاسرار مكتومــه

معي لو سمحت شوي عقب عداك اللـــــــــــوم . .. ... .. . أبعطيك عن بعض الرجاجيل معلومـــــــه

ترى اللاش لو وقف معك في حياته يـــــــــــوم . .. ... .. . تشوف الردى متبين فيه من يومـــــــــــه

وأنا أقول لو إن في وجيه الرخوم وســـــــــوم . .. ... .. . عرفنا نميز قيمة النذل بوسومــــــــــــــه

علشان نجلس مع رجال الوفى و نقــــــــــــوم . .. ... .. . ونبعد من اللي عند الاجواد مذمومـــــــــه

وأنا أسمع مع أهل التجربة في الحياة علوم . .. ... .. . بعضها صحيح وبعض الاخبار موهومـه..؟؟

تحيات
ماجد البلوي

الله يعطيك العافية على نقل هذه القصيدة الرائعة
والقصيدة هي للشاعر/راجح بن سالم العجمي

يعطيك العافيه على نقل القصيده

صح لسانك يابو سليمان شاعر متمكن ويملك التجربه والمعرفه والإبداع

صح لسسسسسساااانك

صح لسانك مليوووووون ولا يكفوووون