اسرار الاصحاب

ليت الزمن مابيّن أسرار لصحاب
خلى الأماني والهقاوي بعيده
إن ظعت من الدانيين ماهم لجناب
والقلب مايشرب سوى من وريده
المشكله وقتي قضى هم وعتاب
بين العقول الذاكية والبليده
ياما بنيت البيت وتطيح لطناب
هبت عليه رياح وقتٍ شديده
حتى ولو سويت من الذاري حجاب
ماهي تصد رياح دنياً عنيده
إن كان ياوقتي تبي كل كذاب
أنا طبوعي يازماني فريده
انا صريحٍ وانت ياوقت لعاب
ماطاوعك حتى بحرف القصيده
حاولت آجامل خفت لوقيل نصاب
نفسي تبي كل العلوم الوكيده
أدري المجامل بعض لحيان جذاب
واحيان ياتي في مواقف سديده
غير انه مايبطي مثل سهم ينساب
ولا النخل لي يبس منه جريده
معروف وقت المصلحه تسقط أشناب
لابو المصالح والحياة الزهيده .
. الله كريم وجاعل النفس بحساب
والله رزق كل الكرامه عبيده
واللي صداقتهم مثل مدخل الباب
ضيّق وقاصر بالنظر مانريده
ودي برجالٍ على الطيب كساب
وافي ولي جات المواقف وليده
لاهوبنمامٍ ولاهو بمغتاب
كريم سبلى مايحّسب رصيده
ولاهو لماجات المواقف بمرتاب
وإن غاب منها صار فعلا فقيده
سلام ياليل الشعر كل ماطاب
واثني سلامي للوجيهه الرشيده
قصيدتي اهديتها كل لحباب
ياذايقين الشعر هاذي جديده
قطفت من بستانها خوخ وأعناب
يوم انها بين الحنايا وحيده
وجعلتها مابين قلبي ولهداب
احبها حب العضيد لعضيده .

صح السانك
وحياك الله يامير الذوق

امير الــــذوق

صح احساسك

وحياك الله بالمنتدى

صح لسانك

صح لساااانك

صح السانك

وحياك الله يامير الذوق

صح بدنك
يااااامقرن البلوي
اسعدني مرورك عطر صفحتي
ولك مني أرق التحايا