عتاب المحبين ..؟؟

عتاب المحبين ..؟؟

قالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعولـه
********
قالت علامك تلبس شماغ وعقـاال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشارع بعرضـه وطولـه
********
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دلـه وفنجـال
وحليب خلفـه بالمـراح معقولــه
وحب الكرم والجود وعلوم الابطال
مغروس فينا من زمـان الطفولـه
********
قالت ترى بنت البدو حظهـا مـال
قلت احذري حذرا تكوني جهولــه
بنت البدو يابنت مضرب للامثـال
فوق الجمال وطاعة الله خجولــه
ماحطة اصباغ ولا حطـت ظـلال
ولا سيرة بالسوق سيـر مهبولـه
هي مهرة تصعب على كـل خيـال
وانتي ومثلك عسفهن بالسهولــه
********
قالت تغزل بي وشف حبة الخــال
ناظر عيوني والرموش الكسولــه
قلت العفو مايجتمع حـب وهبـال
ولكـل ذوق فالمزاييـن جـولـه
********
قلتي وقلت وكلمة الصـدق تنقـال
الزين ماهو من شروط الرجولــه
حي الله من كتبهأأ..
ولكم تحيات
ماجد البلوي

قالت ترى منت بحلو قلت رجـال
والزين ماهو من شروط الرجولـه
-----------------------------------
يعطيك الف عافيه ..
ياأستاذ / ماجد سليمان البلوي
وصح اللسان القائل ..

يعطيك العافيه يا ايو سعد

Sent from my GT-N7 using منتدى قبيلة بلي الرسمي mobile app

صح لسااانك إبداااع............